196. De sancta Caecilia.

1 a. Praeclarae Caeciliae
Depromant virgineae
Mentes nunc laetitiae:
Virgo, salve.

1b. Egressum purissime
Ablata rubigine
Est vas pudicitiae;
Virgo, salve.

2 a. Quod super candelabrum
Dans creator omnium,
Ut illustret devium;
Virgo, salve.

2 b. Lumen stellae marium,
Arbor, in qua plurium
Cibus et tugurium ;
Virgo, salve.

3 a. Arcus tu es foederis
Variique coloris,
Mirifici decoris ;
Virgo, salve.

3 b. In te decus virginis

Vernat, dum tu contemnis
Maris iuga nobilis ;
Virgo, salve.

4 a. Praedicatrix gratiae,
Dum hortaris publice
Milites ecclesiae;
Virgo, salve.

4 b. Rubicundam sanguine
Te sumit rex gloriae
Nactam arrham candide;
Virgo, salve.

5 a. O felix Caecilia,
Fulgens velut lilia,
Mala tergas omnia;
Virgo, salve.

5 b. Tecum ad aetherea
Sublevemur gaudia
Ut in vitae vespera ;
Virgo, salve.