200 TRANSLATIONIS BT EMPHYTEUSIS

« temporaria, uti nunc est, scilicet ad tertiam generationem, « ne canon ipse inde minui umquam possit, in perpetuum con- « cedatur ».

Hisce adiiciebat fundorum aestimationem, atque exponebat contractus utilitatem.

D i s c e p t a t i o s y n o p t i c a .

EA, QUAE ANIMADVERSA SUNT DE PROFANATIONE. Ex officio con- sideratum est, Concilium Tridentinum sess. 21 c. 7 de Be f. eccle- siarum restaurationem et conservationem valde commendare,, ne ea, quae sacris ministeriis dicata sunt, temporum iniuria obsolescant et ex hominum memoria excidant: attamen ubi pares ad id non essent redditus, si de templis non paroecialibus aga- tur, aperte permittere, ut, illis tandem neglectis, « Episcopi, etiam tamquam Apostolicae Sedis delegati, transferre possint Beneficia simplicia, etiam iurispatronatus, ex ecclesiis, quae vetustate vel alias collapsae sint et ob eorum inopiam nequeant instaurari, vo- catis iis quorum interest, in matrices aut alias ecclesias locorum eorundem seu viciniorum arbitrio suo; atque in iisdem ecclesiis erigant altaria vel capellas sub iisdem invocationibus, vel in iam erecta altaria vel capellas transferant cum omnibus emolumentis et oneribus prioribus ecclesiis impositis....cum facultate ecclesias diru- tas in profanos usus, dummodo non sordidos, erecta tamen ibi cruce, convertendi.

Hisce autem perpensis, animadversum est cum Card. De Luca in adnotat, ad Conc. Trid. disc. 17 n. 2, dari posse et alia quoque adiuncta, quibus Ordinarii locorum in s. visitatione de- cernere deberent profanationem, ut si de ecclesiis agatur exsi- stentibus extra loca habitationis et in locis campestribus seu ita positis, ut pro delinquenti um ac facinorosorum hominum con- fugio cum publicae quietis perturbatione deserviant.

In praesenti autem themate, licet diviti redditu, deductis quoque oneribus, Beneficiarius, cui manutentionis ecclesiae onus eapropter inest, perfrui forte videretur; tamen eam esse praedictae ecclesiae conditionem ob loci naturam, ut non tam restauratione, quam nova aedificatione opus foret ; siquidem haud expediret reparare, quod duraturam-naon admitteret reparationem, ceu in