200 ALLOCUTIO

in Orientem remigravit, ubi primum Archiepiscopus, ac tandem Patriarcha Ciliciensis Armeniorum renuntiatus est. Itaque per annos fere quadraginta pontificale munus sapienter integreque gessit. Popularium suorum secessione coorta, in vindicandis iu- ribus, tuendaque Ecclesiae doctrina grande praebuit patientiae et fortitudinis documentum. Sed in eo cum multa sunt orna- menta v i r tu tum, tum maxime elucet erga hanc Apostolicam Sedem non modo immobilis fides , verum etiam vis quaedam amoris studiumque singulare.

Hunc itaque, Venerabiles Fratres, dignum iudicavimus, per quem Orientalibus Ecclesiis romanae decus purpurae, longo post Bessarionem intervallo, redderemus. Faxit Deus, ut collata viro amplissimo dignitas rei catholicae universae fausta felixque sit : nominatim vero bene vertat Orienti, ut scilicet qui catholicam professionem retinent, cuncti sese in hoc uno homine honoratos intelligant, atque incitamenta capiant ad fidem avitam sancte custodiendam; ceteri autem agnoscant atque ament voluntatem Nostram, atque hoc velut pignus accipiant bonorum longe ma- ximorum, quae Nos, si animum aliquando induxerint cum hac beati Petri Principis Apostolorum Sede fidem caritatemque chri- stianam consociare, nomine et auctoritate Dei ipsis pollicemur.

Ad maiorem autem Dei gloriam et Ecclesiae utilitatem, prae- ter h u n c , quem supra diximus, tres alios praestantes viros S. R. E. Cardinales designamus, quos tamen iustis de caussis in pectore reservamus.

Quid vobis videtur ? Auctoritate itaque Omnipotentis Dei, Sanctorumque Apostolo-

rum Petri et Paulli ac Nostra creamus Sanctae Romanae Ecclesiae Presbyterum Cardinalem

ANTONIUM HASSUN

Item tres alios, quos supra indicavimus, Cardinales creamus, arbitrio Nostro quandocumque evulgandos.

Cum dispensationibus, derogationibus, et clausulis necessa- riis et opportunis. In nomine Patris gg et Filii gg et Spiritus gg Sancti. Amen.