198. De sancto Mammete.

Magnus et insignis, psalmo venerandus et hymnis,
Ad calidas flammas deductus carcere Mammas,
Insiluit tutus, pueros puer igne secutus.
Verberibus caesus, sed nec tunc nec modo laesus,
Quinque dies passus, sexto processit inassus.

199. De sancta Slargareta.

1. Ave, virgo Margareta,
Sponsi summi quae secreta

Penetras cubicula,
Ibi per amoris nexus
Fideique per amplexus
Celebratur copula.

2. Eja corpore formosa,
Fide magis speciosa,

Tu praeclara genere,
Margareta Deo grata,
Gratiarum decorata

Et virtutum munere.
3. Salve, sancta Margareta.
Voluptate mundi spreta

Omnique ludibrio
Hostem superas antiquum,
Castitatis inimicum

Una cum Olybrio.

4. Cum tu Christum confiteris
Carcerati mox juberis,

Post hoc in equleo
Laniata vi tortoris,
Rubens manat fons cruoris

Corpore virgineo.

5. Gaude, felix Margareta,

Tu virtute Christi freta

Triumphatrix inclita,
Infernalem tu draconem
Et ingentem passionem

Vincis Christo dedita.

6. Quae dum cultum detestaris
Idolorum, cruciaris

Diris poenis ignium,
Aqua frigens dum succedit,
Sed non laedens, Christo credit

Turba quinque milium.

7. Vale, dulcis Margareta,
Vere gratia repleta,

Quae in vitae termino
Pro his, quibus veneraris
Et a ciuibus tormentaris,

Preces fundis Domino.

8. Post haec capite truncata,
Nunc a Christo coronata

Passionis laurea,
Ut praefulgens margarita
Es in sponsi serto sita,
Sponsa tu virginea.

9. O beata Margareta,

Quae cum Christo regnas laeta

In coelesti requie,
Tu delictis et peccatis
Meis malis perpetratis

Posce dona veniae.

10. Da contemptum mundanorum

Et amorem supernorum

Cum augmento gratiae,
Fac, evadam inferorum
Portas, portum beatorum

Adipiscar gloriao.