201

EX S. CONGREGATIONE CONCILII

INDULTI

Die 26 Iulii 1879.

Per summaria precum

COMPENDIUM FACTI. Inter alia iura ad familiam V. per- tinentia recensetur et iuspatronatus Prioriae sub invocatione ss. Martini et Iuliani. Quod iuspatronatus ab anno 1 4 4 9 ad dictam familiam pertinuerit, eruitur a sententia lata per Epi- scopum illius temporis, qui pronunciavit ad familiam V. perti- nere ius praesentandi Priorem. Quae sententia confirmata fuit a Brevi Leonis X Pastorale nobis 3 Iunii 1513.

Ab hac aetate usque ad ann. 1 8 7 4 familia V. non solum exer- cuit pacifice iuspatronatus activum, sed etiam passivum, et licet beneficium hoc residentiale esset eique animarum cura ad- nexa, per plura tamen saecula Priores dictae familiae per Sub- stitutos onera beneficio adnexa adimplevere.

Postremis hisce temporibus cum beneficium vacasset per re- nunciationem emissam a Clerico Enrico Comite V. a Patronis, tempore utili, praesentatus fuit Arbogastus Comes ipsis in co- gnatione propinquus, et in aetate sexdecim annorum; cui ta- men institutionem Ordinarius renuit dare quippe quia nomi- natus parum aut nihil videbatur propensus ad clericalem statum. Tunc familia V. nominavit fratrem natu minorem Arbogasti, nempe Antonium, quem licet primo Antistes recusavit, utpote canonica aetate ad beneficia carentem, postea tamen, exponunt Oratores, declaravit acceptare, sed sub nonnullis conditionibus.

Quocirca dicti Patroni recolentes quod non una vice sim- plices clerici dictae familiae Prioratum, absque ambagibus obti-