EX SEGRETARIA BREVIUM 201

INDULGENTIAE largiuntur veneratam imaginem SSmi Crucifixi in Conlegiata loci Cortemaggiore.

Universis Christifidelibus praesentes litteras inspecturis sa- lutem et Apostolicam benedictionem. Nobis exponendum cura- verunt ad hypogaeum Aedis Conlegiatae loci cui vulgo nomen « Cortemaggiore »* Dioeceseos Placentinae a die decimo quinto mensis Iulii usque ad extremum Augustum huiusce vertentis anni fideles recolendam Sanctissimi Crucifixi Redemptoris No- stri imaginem ingenti esse numero veneraturus. Nos autem quo pia huiusmodi peregrinatio uberius in animarum bonum cedat, de Omnipotentis Dei misericordia ac BB. Petri et Pauli Apostolorum eius auctoritate confisi omnibus et singulis utrius- que sexus Christifidelibus vere poenitentibus et confessis ac San- cta communione refectis, qui uno quo cuique libeat infra prae- fatorum dierum spatium die, memoratam ecclesiam visitaverint, ibique ante imaginem SSmi Crucifixi Redemptoris Nostri, pro Christianorum Principum concordia, haeresum extirpatione, pec- catorum conversione ac S. Matris Ecclesiae exaltatione pias ad Deum preces effuderint plenariam omnium peccatorum suo- rum indulgentiam et remissionem misericorditer in Domino con- cedimus. Iis vero fidelibus qui corde saltem contriti quolibet e praedictis diebus eamdem imaginem visitaverint et ante eam ut supra oraverint, septem annos totidemque quadragenas de iniunctis eis, seu alias quomodolibet debitis poenitentiis in for- ma Ecclesiae consueta relaxamus. Quas omnes et singulas in- dulgentias, peccatorum remissiones ac poenitentiarum relaxa- tiones etiam animabus Christifidelium in purgatorio detentis per modum suffragii applicari posse indulgemus et largimur. Prae- sentibus hoc anno tantum valituris.

Datum Romae apud S. Petrum sub annulo Piscatoris, die 4 Iulii 1903, Pontificatus Nostri anno vigesimosexto.

ALOISIUS Card. MACCHI.