202

EX S. CONGREGATIONE CONCILII i&r

P A R I S I E N .

NULLITATIS MATRIMONII

Die 22 Iunii 1901. Sess . 24, C a p . 1, De ref. m a t r .

C OMPENDIUM FACTI. Cum familia R. in oppido vulgo Vé- sinet, dioecesis Versaliensis, prope Parisiis, commoraretur, eius filius Vedastus in propriam domum excipere solebat matrem et filiam Palmyram quas Vedastus instituebat ad canendum in parochiali ecclesia oppidi. Hac de re amicitia inter familias inita est, et subinde Vedastus amore captus erga Palmyram, cum ea cogitare coepit de matrimonio con- trahendo.

At huic desiderio iuvenum obstabat Vedasti mater, cui maxime displicebat quod filius nuberet puellae, protestan- tium sectae addictae. Equidem Palmyra, licet ritu catho- lico, ut plures testes referunt, susceperit baptisma, tamen ex matre luterana et ex patre nulli religioni addicto, in Helvetia nata, in luterana secta fuit educata ac templum protestantium frequentare solebat.

Vedastus autem, ut matrem sibi consentientem haberet, a Palmyra promissionem obtinuit, quod ipsa, antequam ma- trimonium contraheretur, ab haeresi protestantica ad catho- licam rediret Ecclesiam. Imo, si vera sunt quae modo nar- rantur, vir formalem abiurationem ab haeresi in pactum deduxit; hanc vero conditionem mulier, quae has nuptias maxime optabat, se impleturam promisit.

Interea Vedastus, ut negotia suae familiae gereret, pa- triam dereliquit et Uticam Tunetis in Africani profectus est, ibique dum commorabatur, non una, sed pluries literas misit ad Palmyram, quam hortabatur ut quam primum con-