202

EX S. G. EPISCOPORUM ET REGULARIUM

DUBIA oirca solemnem Monialium professionem.

Beatissime Pater,

S. Congregationis EE. et RR. decreto « Perpensis tempo- rum adiunctis », dato 3 Maii 1902 (1), praescriptum est, ut in sanctimonialium monasteriis, in quibus emittuntur vota sole- mnia, his praemittantur a novitiis simplicia quoque vota; por- ro eiusdem S. Congregationis responso dato in una Bononien. die 28 Iulii 1902 (2) resolvitur: «Ritum seu caeremoniale, in unoquoque Monasterio receptum, adhibendum esse in emit- tenda prima professione, pro qua consuetae formulae suppres- sis, si adsint, verbis solemnitatem (votorum) exprimentibus, adiiciatur novitiam nuncupare vota simplicia, iuxta Decretum a S. Congr. EE. et RR. die 3 Maii 1902 editum : professionem autem secundam emitti posse privatim in choro seu oratorio interiore coram communitate in manus Superiorissae, praevia approbatione Ordinarii seu Praelati Regularis quoad Monaste- ria exempta ». Sancitis igitur : « in prima simplicium votorum professione ritum receptum, suppressis solum verbis solemni- tatem votorum exprimentibus, esse adhibendum, atque secun- dam solemnium votorum professionem posse emitti privatim », haec dubitatio mihi movetur:

I. Sitne Ordinarii vel, quoad Monasteria exempta, Praelati Regularis audito Superiorissae voto, decernere ut secunda quo- que professio publice fìat coram Ordinario vel Ordinarii com- missario ?

(1) Cfr. Acta S. Sedis Voi. X X X V , pag. 31.

(2) Vide citatum volumen pag. 35.

ACTA ROMANARUM CONGREGATIONUM