199. De sancto Christoplioro.

1 a. Donum Dei iubilemus
Et pro sancti exsultemus
Christophori gloria.

1 b. Sanctum velle viri Dei
Fuit in lege sui Dei
Sequendo vestigia.

2 a. Christum ferens in pectore,
Verbo laudans et opere,
Faciens prodigia.

2 b. Manu eius virga florem,
Ramos dedit et odorem
Et formosa folia.

3 a. Ante Dagnum accersitur
Et de fide convenitur,
Rex minatur aspera ;

3 b. Sed non cedit verbis regis
Fide firmus et insignis
Parvipendens verbera.

4 a. Rex commotus servum Dei
Ergastulo iubet claudi,
Intendens supplicia.

4 b. Solus orat immolans,
Intrat sexus puellaris:
Nicea, Aquilina.

5 a. Mox edoctae sane credunt
Et a Christo percipiunt
Martyrii praemia.

5 b. Ante regem est adductus
Christophorus ferens fructus,
Ut palmes in vineis.

6 a. Alligatur pedes manus,
Sed martyr stat mente sanus,
Virgis caesus ferreis.

6 b. Est allatus servis lassis
Super caput eius cassis
Flammis candens igneis.

7 a. Ad certamen animatus
Super scamnum est ligatus
Civitatis medio ;

7 b. Scamnum ferri ignis urit,
Et lignorum flammam nutrit
Olei perfusio.

8 a. Dagnus furit sicut fera,
Scamnum fluit sicut cera,
Martyr plaudit gaudio ;

8 b. Dagnus iubet praeparari
Lignum magnum et ligari
Beatum Christopherum.

9 a. Mox a rege satellites

Vocati sunt et milites

Terna tela iaciunt;

9 b. Tota die sagittantes
Et in vanum laborantes
Ad occasum veniunt.

10 a. Nocte corpus sancti viri
Caute fecit custodiri
Dagnus timens populum.

10 b. Rex mane cito veniens,
Statim sagitta saliens
Eius crepat oculum.

11 a. Servus Christi decollatur,
Tangens terram rex sanatur
Cum modico sanguine.

11b. Regi caeli dantur laudes,
Rex terrenus inde gaudet
Restituto lumine.

12 a. Ut per talem nos patronum
Consequamur vitae donum,
Deprecemur hodie,

12 b. Ut cum eo gloriemur

Et cum ipso contemplemur
Christum, regem gloriae.