Sermo II .

Sermo fratris Bonaventurae Parisius, in Capitulo Fratrum.

Per pro prium sa nguinem introivit semel in sancta, aeterna redemptione inventa, ad Hebraeos nono .

In verbis his evidenter exprimitur mysterium dominicae passionis et beneficium humanae redemptionis, ut excitentur corda nostra his diebus ad celebrandum devotissime memoriam passionis Quis enim audiens et considerans pro se effusum sanguinem Filii Dei, non excitetur et inflammetur ad divinum amorem, mundi contemptum et carnis macerationem ? Tanguntur autem hic duo ad redemptionem humani generis pertinentia, scilicet nostrae iniquitatis abundantia, quae non nisi per sanguinem Filii Dei potuit aboleri, cum dicitur: Per proprium sanguinem introivit semel in sancta; divinae pietatis efficacia, qua sibi complacuit nostri perfecte misereri, cum additur: aeterna redemptione inventa. Considero enim oblatum sanguinem, et invenio peccati immensitatem; attendo effusionem, et video dolorisacerbitatem; video, quod pro nobis effudit proprium sanguinem, et considero liberalissimam carit atem; probo tandem ex his oblationis excellentem dignitatem .

I. Fuit igitur oblatio Filii Dei per proprium sanguin em in sancta introeuntis: pretiosa ratione personae exsolventis; primae Petri primo : Non corr uptibilibus auro vel argento redempti estis de vana vestra conversatione paternae traditionis, sed pretioso sanguine quasi Agni immaculati, Christi, et

. incontaminati.

Sumtuosa ratione poenae affligentis; Iob decimo sexto: Terra, ne operias san guinem meum etc.

Opportu na ratione indigentiae exponentis; ad Hebraeos duodecimo: Accessistis ad testamenti novi mediatorem Iesum, et sanguinis aspersionem melius loquentem quam Abel.

A m oros a ratione efficaciae subsequentis: Apocalypsis primo : Dilexit nos et lavit nos a peccatis nostris in sa ngui ne suo .

II. Invenit autem nobis aeternam redemptionem . per pro prium sa nguinem semel in sancta introeundo, quia nobis vitam perditam reddidit; Levitici decimo septimo : Anima omnis car nis insanguine est .

Maculam contractam delevit; Matthaei vigesimo sexto: Hic est sanguis meus novi testamenti, qui pro multis effundetur in remissionem peccatorum.

Iram divinam placavit; ad Colossenses secundo: Delevit chirographum decreti, pacificans per sanguinem crucis eius sive quae in terris, sive quae in caelis sunt.

Ianuam caelestem aperuit; Apocalypsis decimo nono : Vestitus er at veste aspersa sanguine, et exercitus, qui sunt in caelo, sequebantur, quod fuit in die ascensionis.