Acta Pii Pp. XII 205

portunum visum est, videntur Nobis non unam, in praesens etiam, ha-

bere intento commemorantibus animo utilitatem. Si hodie enim non

eadem sunt, quae impendent, pericula, non eaedem, quibus occurrere

oportet, necessitates, opus tamen est eodem exardescere omnes religio-

nis caritatisque studio, eademque enitere in Dei Ecclesiaeque iuribus

tuendis actuosa voluntate arctissimaque animorum coniunctione. At

vos hac in re per has litteras adhortari veluti supervacaneum putamus;

novimus enim exploratam que habemus, dilecte fili Noster, pastoralem

alacritatem tuam, cui confidimus omnino ut crediti cleri populique par

i l la respondeat sollertia, quam gravissima haec tempora a bonis omni-

bus postulant. Nihil igitur aliud superest, nisi ut praesentissimura Dei

auxilium supplici vobis prece imploremus, utque uberes et salutares

vestris hisce celebrationibus ominemur fructus.

Quorum quidem auspex esto Apostolica Benedictio, quam paternae

benevolentiae Nostrae testem, cum tibi, dilecte fili Noster, cunctoque

tuis curis demandato gregi, tum iis omnibus, qui Lugdunum ad saecu^

larem huiusmodi commemorationem celebrandam proxime convenerint,

amantissime in Domino impertimus.

Datum Romae, apud Sanctum Petrum, die X mensis Iunii; anno

MDCCCCXXXXV , Pontificatus Nostri septimo. î

PIUS PP . XI I

I I

AD EXCMOS PP. DD. POLONIAE ARCHIEPISCOPOS, EPISCOPOS CETEROSQUE LO-

CORUM ORDINARIOS.

PIUS PP. XII

Venerabiles Fratres, salutem et Apostolicam Benedictionem, - Per

hos postremos annos, dum patria vestra, belli furore iterum iterumque

vastata, tot ruinis, cladibus omneque genus miseriis affecta est, Nos,

qui erga vos, ut nostis, paternum gerimus animum, maerores ango-

resque vestros eo vehementius participavimus, quo graviores eos nosce-

bamus ac paene intolerabiles. Libertas vestra proculcata, animosa Po-

lonorum iuventus mortis falce demessa; ingentes populi multitudines

- infantium etiam, infirmorum ac senum - domo, agris domesticisque

laribus deturbatae ; urbes, oppida, castella diruta ; Episcopi, sacerdotes

ac devotae Deo virgines e suis sedibus abstracti et in teterrimis publicae

custodiae locis detenti: ac denique collapsae sacrae aedes innumerae,