204. De s. Maria Magdalena.

1. O piissima peccatrix.
Pedum Domini lavatrix,
Non de fontibus aquarum,
Sed de guttis lacrimarum,

5. Ut te multis a peccatis
Fons lavaret pietatis.
O praeclarum Dei templum.
Poenitentium exemplum,
Quae beatos pedes Christi
10. Sanctis crinibus tersisti,
Ut meretricalis usus
A te fleret exclusus,

Tergeretque tuas sordes
Manus per misericordes.

15. O solamen peccatorum,
Certa spes erraneorum,
Quae unguentum pretiosum
Super regem gloriosum
In tugurio leprosi

20. Sanctis manibus fudisti,
Ut foetori tuae mentis
Bonus odor recumbentis
Christi per hanc unctionem
Faceret abjectionem.

25. Audi me nunc exprobrantem,
Sed te magis exorantem,
Per eundem veram Deum
Fac mollescere cor meum,
Fac, ut saxum meae mentis

30. Fletus abluat fluentis,
Ut per lacrimationem
Habeam consolationem
Et ut bonum per odorem
Pcrdam criminum foetorem.