206 DECRETI S. VISITATIONIS.

Episcopus anno sequenti sacram visitationem peragens r e - perit, ex Missarum legatis quae erant a Titio celebrandae, ad- huc celebrandas superesse 532, ideoque decrevit, ut Titius intra tres menses eleemosynas earumdem Missarum in Cancellaria episcopali solveret, aut iustas legitimasque causas afferret de Missis non celebrat is : nova praeterea iniunctione, Episcopus certiorem Titium fecit , se sequestrum esse impositurum pen- sioni si intra mensem documenta non exhiberet celebrationum.

Titius se excusavit asserendo moram aut paupertatem e o - rum qui legata Missarum solvere deberent pro celebratione; nec non carentiam titulorum ad eos debitores cogendos in iudicio ut solverent. -

Sed eas rationes Episcopus non admisit, cum viderentur esse potius causae ad obtinendam aliquam condonationem a S. Sede , non vero ad tollendam obligationem. Denique Titius S. Congre- gationi preces admovit, atque deinde institit ut quaestio iuridice definiretur.

Episcopus in nova informatione retulit, re melius expensa, repertas esse Missas 386 non celebratas.

D i s c e p t a t i o s y n o p t i c a .

DEFENSIO TITII. - Titius per suum Defensorem contendebat se non teneri ad eas celebrationes omissas, cum obligatio certa non esset nec sperabilis nec certa eleemosynarum solutio : neque posse pensionem sequestrae, cum illa pensio suum patrimonium sacrum constitueret, nec aliunde haberet in praesentia unde congrue viveret, cum profugus esset a nova dioecesi ob iustas cau- sas ab Episcopo recognitas, ita ut ab eodem Episcopo com- mendatus Romae nunc degeret.

Ut primum huius quaestionis caput Titii Orator ostenderet, animadvertebat cum Amostazo De causis piis I. 2 c. 7, anniver- sarium Missarum consistere in'Missis quotannis dicendis et ap- plicandis pro voluntate fundatoris certo redditu vel stipendio as- signato. Ex qua definitione eruebat, esse essentialem characte- rem anniversarii certitudinem redditus seu stipendii a fundatore statuti pro celebrante: nec operarium quemvis teneri ad suam operam certam positivam et utilem praestandam in incertitudine retributionis ab eo habendae cui rem utilem gerat. Dignum