2Ö6 ÍNáTftÜCTÍO

dioeceseos exhibuerit, ac postea e vivis migraverit, neutrum repetere successor tenetur; persolutio enim praedecessoris suc- cessori suff i agatur (1).

10. E contra si quis dioeceseos curam assumpserit paulo ante quam triennium etc. sub antecessore incoeptum ad exitum perveniret, cum temporis defectu nondum in promptu possit habere quae ad statum propriae Ecclesiae referendum requi- runtur, succurrit remedium implorandae prorogationis, quae, hisce praesertim in adiunctis, a S. Sede facile impertitur.

11 . Notum est ipsam Sixtinam legem Episcopis consulere, qui, legitimo impedimento detenti, ad Apostolorum sepulcra personaliter se conferre non possunt; id enim per Procurato- rem ipsis praestare permittitur. Immo quod ad Procuratoris deputationem facilius ac remissius agi coepit, ut inde a sua aetate animadvertebam s. m. Bened. XIV (2), et pristinus rigor progressu temporis valde temperatus est. « Unde si » Episcopus iusto quolibet impedimento detentus a S. O. li- » centiam petat visitandi Limina per Procuratorem, atque » etiam in eum finem deputandi canonicum aliquem, aut Sa- » cerdotem dioecesis suae iam in Urbe existentem, et priva- » tis suis rebus vacantem, vel etiam ordinarium suum nego- » tiorum gestorem aut agentem, de rebus Ecclesiae et dioece- » sis probe instructum, dummodo ecclesiastico caractère in- » signitus sit, facta Rom. Pontifici per Secretarium ipsius » Congregationis instantiae illius relatione, non ita frequen- » ter reiici solet, ut olim evenisse constat, sed petita licen- » tia et facultas passim benigne conceditur. > Pariter ad Pro- curatoris munus olim haud admittebatur Sacerdos regularis, nisi probata deficientia Capituli et cleri saecularis, exceptis fortasse Ecclesiis remotissimarum regionum (3); sed in hoc etiam sequioribus temporibus S. Sedes sese faciliorem praebe- re consuevit.

12. Quae communiora ac potissima sint impedimenta, qui-

(1) Facti. loe. cit. n. 47. (2 ) De Syn.. Dioec. L. XIII. Gip. IV n. 3 (3) Ibid,