208 NANCEIENSIS ET TOULLENSIS

recusavit; quia demum iri singulis coniugum dicta prout in plano est, minime concordant.

Verum ex Cap. V De frigidis et maleficiatis: « Si quod nunquam se invicem cognoverint, ambo fateantur » id a « se- ptima manu propinquorum vel vicinorum bonae famae tactis sacrosanctis Evangeliis » confirmandum atque roborandum est.

Testes septimae manus, ex parte tantum mulieris, fere iisdem explicitis verbis tria haec sub sacramento declara- runt, nempe se audivisse matrimonium de quo agimus, non fuisse opere plenum: hoc contigisse ex probabili impotentia viri: oratricem esse veracem atque pro pietate morumque honestate omni laude dignam.

Hisce omnibus rite perpensis, moralis iam probatio de non secuta consummatione matrimonii in themate sat tuta atque firma esse videtur. Ne autem in re tanti momenti quid deficiat, ex iure et Ecclesiae praxi, ad aliud demum argumentum atque adminiculum recurrendum est, quod ex corporis feminei inspectione eruitur. Imo in hac instituenda cum teste oratrice, ipsa, a medico chirurgo, ut apta magis ad copulam reddatur, incisionem passa sit, speciali mandato S. C. C. voluit ad unguem servari omnia, hac de re ser- vanda, atque ipsum chirurgum iuridice audiri qui puellam incidit. Quae singula, prout acta testantur, adamussim fue- runt servata. Praemisso scilicet requisito balneo, a tribus successive matronis, in arte obstetricia peritis, sedulo manu et oculo inspecta fuit, quae deinde cum medicis duobus de singulis contulerunt. Coram iudice autem sub sacramento uno ore declararunt obstetrices : apud oratricem membranam hymenem esse integram, resistentem, non laceratami : in- cisionem a medico chirurgo factam, omnino esse minimam millesimam metri partem vix superan tem; neque quid com- mune habere cum specifica laceratione, quam, copula per- fecta, si admissa fuisset, secum traxisset; propterea dictam mulierem ut virginem esse habendam atque matrimonium eiusdem nunquam fuisse consummatum. Obstetricum depo- sitionem medici confirmarunt.