DIVISIO ET EXPOSITIO TEXTUS.

Deinde ponit confortationem : et dividitur in partes duas. In prima ponit ea quibus potest confortari : secundo ostendit eum confortatione non indigere, ibi, Igitur non aliquando ita insaniam, etc.

Circa primum ponit duas rationes confortationis. Secunda incipit, ibi, Vere manifestae, etc.

Circa primum adhuc duo facit. Primo hortatur eum ad. gaudium inter exsilii pressuras. Secundo ponit rationes gaudii, ibi; Quid est mirabile, etc.

Dicit ergo primo, Joannes vere dilecte et valde dilecte a Christo vere amabili et desiderabili et diligibili. Haec tria hoc modo differunt, quod amor referatur ad

ipsam virtutem appetitivam intellectualem, quia amor est secundum operabilem actum et secundum intellectivum affectum : desiderium autem referatur ad appetitivam sensibilem, quia " desiderium et animus, ut dicit Philosophus, c( in sensitiva sunt, " et tunc desiderium erit de Christo secundum humanitatem. Hoc autem quod dicit valde dilecte, importat causam amoris : quia sicut dicit Philosophus, " Illud vere amatur, in quo " nihil nisi honestum amatur. "

Deinde ponit causam gaudii duplicem. Et prima est, quod Christus praedixit, quod discipuli sui expellendi erant ab impiis de civitate in civitatem : et ideo discipulis suis est materia gaudii de hoc quod verba Magistri sui de eis Inveniuntur vera, etiamsi divina de eis praedixerit" in hoc enim quod impii expellunt sanctos a se, reddunt sibi ipsis, secundum quod digni sunt, quia separant se a sanctis, quorum consortio non sunt digni. Deinde ponit secundam causam gaudii : quia in passionibus sanctorum, secundum quas separantur ab impiis, repraesentatur futura segregatio, qua in futura vita segregabuntur ab eis : sicut enim modo impii sunt causa segregationis suiipsorum a sanctis , na m hujus Deus non est causa, nisi permittendo, ita etiam per mala sua opera sunt causa quod in futuro saeculo segregabuntur a sanctis, et Deus illius segregationis non erit causa, quia ipse nominem compellit. E contrario etiam sancti in hac vita sunt cum Deo per gratiam In quantum amant veritatem, et recedunt ab amore materialium rerum, et diligunt divinam pacem, id est, quietem In Deo, in omni libertate omnium malorum, id est, omnino liberati ab omnibus malis, et in amore divino omnium honorum, vera bona in Deo amantes, et incipiunt ex nunc futuram bonam vitam : unde conversantur In medio hominum sicut quidam Angeli, cum impassibilitate, id est, immunes a passionibus peccatorum, quae non dominantur in eis, et Dei nominatione, quia omnia ad. nomen Dei referunt, vel divinis laudibus immorantur, et sanctitate et aliis bonis, in quibus Angelos imitantur : et ideo visibilia sunt imagines invisibilium, et quantum ad vitam praesentem bonorum, in qua significatur futura vita, et quantum ad vitam malorum, in qua significatur et repraesentatur segregatio ipsorum a Deo et sanctis.