210 Dubia super applicatione Missae parochialis

II. Missae enim huius celebrationem et applicationem esse connexam cum beneficio paroeciali, quemadmodum sunt con- nexa cetera pastoralia munera agnoscendi oves easdemque pascendi verbi Dei praedicatione, sacramentorum administra- tione, bonorum operum exemplo etc. 1

III. Quare eiusmodi munera ita Parochum urgent, ut tamen in Parochi persona non cessent, sed eo quomodolibet impe- dito per alium expleri debere.

IV. Hinc Parochum legitime absentem, posse quidem Mis- sam applicare pro suo populo ubi degat; sed cum absentia impediat alia pastoralia munera diebus festis populo debita, una satisfacía obligatione, ab aliis obligationibus non esse solutum. 2

1 Confer causam ex professo pertractatam in S. Congregatione de Pro- paganda Fide Super dubia de applicatione Missae pro populo, in vol. 1, p. 389 et seqq.

2 Aliquis fortasse quaeret, an particula dummodo in Resolutione ex- pressa, importet conditionem, ita ut parochus legitime absens non satisfa- ciat applicando Missam pro populo, ubi degit, si alius Sacerdos non adsit in paroecia, qui ad necessariam populi commoditatem celebret et verbum Dei explicet. Sed responsio aperta est ex ipsis Resolutionis verbis: vide- licet, Parochus qui debeat ad necessariam populi commoditatem et Missam celebrare in propria ecclesia et explanare verbum Dei per applicationem Missae pro populo suo, in loco ubi degat, non plene satisfaceret suae obli- gationi, quae non tota consistit in simplici applicatione ; satisfaceret autem plene suae obligationi, si alium substituat qui cetera necessaria munera in ecclesia paroeciali perageret. Quare verbum dummodo importat conditio nem ad plene satisfacendum, ita ut per solam applicationem satisfaceret tantum ex parte, suae obligationi. E converso non tenetur alium substi- tuere in festis suppressis, quibus populus nec obligatur audire Missam neque fortasse ecclesiam frequentat ; quo in casu satisfacit suae obligationi per solam celebrationem Missae pro populo, quin alium substituat.

Quaeri hic etiam posset : quoniam Parochus legitime absens, ut plene satisfaciat suae obligationi, tenetur ad populi necessariam commoditatem alium substituere, qui celebret, poterit ne Parochus committere huic alteri, sine alia causa, applicationem ? Respondendum est affirmative ; et est casus iam resolutus, in allegata superius causa Comen, die 11 maii 1720.

Cum ergo Parochus legitime absens, possit applicare per se Missam pro populo in loco ubi degat, vel possit eamdem applicationem alteri com- mittere in paroeciali sua ecclesia; quaeri potest, quid magis populo expe- diat? Respondeo: applicationem Missae pro populo consistere in 'applica- tione fructus sacrificii, quem appellamus medium, populo facta: et haec