210 TAURINEN.

Falconi, iudicem civilem in Tribunali Vicariatus Urbis, qui delegationem acceptans, Oratorem accersivit atque examini subiecit iuxta interrogatorium a matrimonii vindice concin- natum, atque responsiones curiae Taurinensi transmisit. In- terim quum post diligentem inquisitionem detegi nequiverit ubi domicilium haberet Latina Pettenati, nec testes adessent examini subiiciendi, acta omnia S. Cong. detulit.

Oratoris responsiones summatim ad hoc reducuntur; quod cum Hostiliae prope Mantuam degeret, amore captus est erga puellam Latinam Pettenati, quam etiam utero gravem effecit. Cum autem Taurini se conferre deberet ad invita- tionem Ministri rei bellicae illius regni, ut illi militiae no- men daret, eam secum adduxit, inscio patre, atque, Pado traiecto, eam credidit eiusdem fratri qui Ferrariae degebat, quae paulo post Taurinum eidem se coniunxit. Die vero 22 Mensis Iunii parochus S. Francisci a Paola ad eorum preces facultatem expostulavit ab Archiepiscopo eorum matrimonio assistendi, quod inire cupiebant ad prolem mox nascituram legitimandam; quae facultas denegata fuit.

Interim domicilium fixerunt in Borgo novo sub paroecia S. Mariae Angelorum. Cum autem bellum immineret inter Sardiniae Regem atque Austriae Imperatorem, minister Ca- vour, qui rebus externis praeerat, opportunum duxit aliquem occultum exploratorem mittere, qui varias Austriae provin- cias perlustraret atque de numero, vi, motibus hostilis exer- citus referret, Ad quod opus, ipsum Happel elegit, utpote qui et linguam germanicam callebat, et conditionum exer- citus Austriaci peritus erat, quia sub eodem vexillo septem annis militaverat. Qui, diversis Austriae provinciis perlustra- ns, Taurinum rediit sub finem mensis Octobris. Sed quia de- nuo Germaniam repetere debebat ad eundem explorationis fi- nem, hinc aliquam causam praetexere necesse fuit, ad su- spicionem omnem removendam; atque statutum fuit, ut Lu- dovicus Appel uxorem duceret concubinam suam Latinam Pettenati, ut sub ementito colore sponsam conciliandi cum suis parentibus, qui Flusingia, degebant prope Munichium in