207. "In festo s. David Abbatis."

1 a. Sancti David sympboniae

Digne sonant vocis piae

Clarissimis concentibus,

1b. Cuius verba fontis vitae,

Cuius actus viae tritae

Iustissimis incessibus.

2 a. Nam simplex cordis oculo

Cor omni mentis iaculo

Conclusit instar circuli,

2 b. Nec foris vane gestiens,

Nec intus altum sapiens

Expers tumentis anguli.

3 a. Audita morte martyrum

Accensus in zelum mirum

Se praeparat in gladium;

3 b. Mortem quaerens non repperit,

Compensans mortem conterit

Se iuge per martyrium.

4 a. Nunc scandens gustat ardua,

Descendit nunc ad pascua

Coruscans instar fulguris.

4 b. Nil sui dabat otio,

Sed semper sacrificio

Columbae dans aut turturis.

5 a. Hic vitam reddit parvulo,

Qui mersus fuit triduo

In fontali voragine;

5 b. Avertit et a stabulo

Ventum cum igne arduo

Circumlata imagine.

6 a. Fit femina lunatica

Mente sana et corpore,

Ac puer acum vomuit;

6 b. Membraque paralytica

Curantur sancti munere,

Ac nautis ventus adfuit.

7 a. Chirotheca snstentatnr,

Qua paganus adunatur

Fidei collegio,

7b. Quam sic probat laudans tan-

tam,

Veram, claram atque sanctam

Titanis in radio.

8 a. Tu, sancte praeco gratiae,

Turbam tuae familiae

Duc ad fontem vitae,

8 b. Ut per te ducem praevium

Feratur in triclinium

Pacis infinitae.