TAURINEN. 211

Bavaria, posset impune Germaniam iterato perlustrare; a t - que, ut omnis difficultas de medio tolleretur, ipsemet Comes Cavour Vicarium generalem allocutus est, atque ab ipso quidquid voluit obtinuit. Quare die insequenti summo mane in Ecclesia S. Francisci de Paola matrimonium celebratum fuit, praesente parocho Centa, qui nullam super eos iuris- dictionem habebat, et duobus testibus fortuito obvenien- tibus.

Neque alibi omittit insinuare, comitem Cavour laute re- munerasse hanc promptam obsequentiam tum Vicarii gene- ralis, tum parochi erga sua placita. Primum enim ad Ar- chiepiscopatum vercellensem nominavit, alterum pingui com- menda Ordinis mauritiani ditavit ! Interrogatus quare tandiu dis tulisset introductionem huius causae, respondit : sibi expe- ctandum fuisse obitum parochi Centa, ne eum exponeret pe- riculo gravis damni! Interrogatus utrum suae sponsae do- micilium cognosceret, respondit prorsus nescire utrum in vivis degat, vel mortua sit, quod affirmavit etiam de unica filia superstite.

Processus ut patet, vere singularis est, quoniam unice innititur assertionibus actoris, quin altera pars audita fuerit vel ullus testis.

Disceptatio Synoptica.

VOTUM THEOLOGI. Triplici ex capite Ludovicus Appel im- petit validitatem sui matrimonii; ex crimine raptus, ex de- fectu domicilii et ex defectu consensus. Ex crimine raptus quatenus, inscio et invito patre puellae, eam abduxit atque in ditione pontificia transtulit, quod iuxta concordatum Au- stro Pontificium raptum constituit.

At Hostiliae parochus testatus est, tempore quo hic ra- ptus locum habuit, matrem puellae iam supremum diem ex- plevisse, patrem vero a quadriennio familiam deseruisse. Erat igitur puella sui iuris et plena fruebatur libertate; qua liber- tate abusam fuisse testis est ipse vir dum fatetur, Latinam antequam se ipsi traderet cum tribus aliis iam illicitas ha-