PARISIEN. 211

Quae quidem testimonia haud parvi facienda esse, ait orator, et ad rem ea recolit quae perstrinxit S. R. Rota in •decis. 590 coram Merlin, et praesertim in cit. decis. 326 coram Ludovisio, ubi haec scripsit : « Pro resolutione prae- mittebatur metum esse difficilis probationis.... cum secreto et clam inferatur, praesertim vero quando infertur a patre filiae secum habitan ti : ac propterea in eo leviores proba- tiones sufficiunt et admittuntur testes domestici et qui alias non admitterentur ».

Concludit itaque advocatus, contra oratricem adhibitas fuisse ab ipsius matre non solum importunas, sed continuas et in dies gliscentes instantias, suasiones, obiurgationes, crebras in cubiculum detrusiones aliasque afflictationes, nec non verbera et minas eam relegandi in monasterium, peni- tusque in posterum deserendi « de ne plus s'occuper d'elle ». Quapropter dicit se posse abstinere a referendo multa quae sacramentales testes docuerunt, quod nempe oratrix fuerit indole valde mitis ac timida, quod imo ipsa non solum fue- rit : « Impressionable, nerveuse et timide au point qu'au moment du mariage elle était à peine une personnalité », sed insuper ardenti filiali amore prosequuta sit matrem, cui proinde displicere verebatur : « Elle adorait sa mère, tout en la craignant beaucoup », quod demum V. Comes Brénier de ipsa iuravit : « M.lle avait 17 ans, mais elle me faisait l'effet d'en avoir dix ».

Etenim, ait, hucusque deducta in iure satis superque ha- bentur ad incutiendum metum gravem, nedum timidae ac affectuosae puellae, sed cuilibet filiae. Siquidem ex iuris- prudentia canonica, quando agitur de persona, cui metum patiens reverentiam debet, ad dirimendum matrimonium suf- ficiunt vel solae importunae instantiae, etsi nec minae nec verbera intercedant. Testis S. R. Rota in decis. 491 co- ram Royas n. 8: « Ad hunc effectum (irritandi matrimo- nium) persuasiones et importunas instantias, cum metu re- verentiali coniunctas, provenientes ab eo, quem reveremur, satis esse probant Sánchez, Barbosa etc. Praedictis enim