2i2 TAURINEN.

buisse relationes. Nulli igitur illata fuit iniuria et libentissime ei se coniunxit. Item debet puella rapta semper fuisse in po- testate raptoris, nec unquam in loco tuto posita. E contra Pado traiecto eam tradidit in manibus fratris eiusdem puellae, qui una cum duobus patruis Ferrariae degebat, atque per integrum mensem apud eosdem commorata est: ipse autem raptor iter perrexit versus Taurinum: fuit igitur posita in loco tuto. Item postquam Taurini se iterum cum eo con- iunxit, tamdiu sola remansit, quamdiu Happel, longum iter aggressus, procul ab ea moratus est, atque ad eius reditum liberrime in matrimonium consensit. Exulant igitur praeci- puae conditiones requisitae ad raptum veri nominis consti- tuendum, eo sensu, quo Sacra Tridentina Synodus irritum et nullum declaravit matrimonium initum inter raptorem et raptam.

Negat Ludovicus se unquam domicilium habuisse in pa- roecia S. Francisci a Paola, sed quamdiu Taurini degit sem- per habitasse una cum Latina in via Borgo Novo, quae in- ter limites paroeciae S. Mariae Angelorum continetur. At dum credis, oratorem hanc assertionem, a qua exitus quae- stionis dependet, omnigenis argumentis corroboraturum esse, sive ex commilitonum testimonio desumptis, vel ex testifi- catione locatoris domus, quam inhabitabant, vel denique a fide scripto tradita ipsius parochi S. Mariae Angelorum, qua declararet, Ludovicum Appel atque Latinam Pettenati ab initio Mensis Iulii usque ad exitum Octobris, intra limites suae paroeciae habitasse, cernis e contra omnium probatio- num vices supplere duas epistolas, quarum una Latinae data sub die 18 Iunii, alteram vero ipsi oratori sub die 8 Augu- sti : utraque vero hanc indictionem habet « Torino Borgo Nuovo n. 7. >

Ex hoc quid argui potest ? nempe Latinam Pettenati us- que ad diem 18 Iunii ab eius adventu in urbem domicilium habuisse in Borgo Nuovo. Verum ab hac die usque ad 31 Octobris, quo matrimonium initum fuit, tempus quadri- mestre intercedit: quomodo probas hoc temporis intervallo