EXPOSITIO TEXTUS,

Deinde ostendit Dionysius qualiter se habet ad persecutiones ipsius dicens : Ita non studeo vos confortare : sed opto juste causam habens, justum reputo quod volo omnes homines salvos fieri sicut et Deus, injuriam Jacientes nobis et non recte arbitrantes se posse relegare, id est, exsulare vos, solem Evangelii, propter Evangelium quod edidit altissimum, atque opto, dico, hos qui contra seipsos faciunt dum contra vos malum moliuntur, dimissos ab istis malis converti ad bonum, et quod trahant nos ad se et sumant de lumine doctrinae nostrae.

Deme ostendit quid ipse Apostolus speret, et dicit, quod etsi contrarium accidat, scilicet quod persecutores sui non convertantur, ipse tamen, cum aliis fidelibus non privabitur radio Joannis, id est, profundissima sua doctrina : nos dico, nunc quidem, id est, interim dum ex illo detineris, consecuturos suum radium memoria, et renovationem, quantum ad frequentem repetitionem, tuae verae Theologiae, id est, librorum quos de Deo condidit, qui continentur inter Scripturas canonicas. Vos, et dico, paulo posterius, otioso Domitiano, uniendos nobis secundum corporalem praesentiam. Et facit pa renthesim interponens, dicam hoc,quam vis sit audaciae, id est, quamvis videatur esse praesumptio quaedam, quod vobis futura praedico, vel quod me vobis uniendum dico : cum non sim dignus. Et sic exposuit quomodo non recte arbitrantur, quia non possunt facere quo d in tendunt ut tantum solem ab aliis tollant.

Deinde praedicit reditum ipsius in Asiam, dicens : Dignus autem sum omnino credi, id est, ut mihi credatur : discens ex Deo per revelationem, et dicens tibi quaedam praecognita, id est, quaedam futura, vel praecognita tibi, scilicet ex illa quae est in Pathmos insula, et ad terram Asiae reverteris, scilicet Ephesum, et ibi facies imitationes boni Dei, praedicando et operando salutem aliorem sicut Christus fecit, et trades doctrinam tuam, et, id est, etiam his qui erunt post te, scribendo libros. Vel aliter facies, id est, scribes imitationes boni Dei, id est, actiones et doctrinas, quae proponuntur ut eas imitentur : quia Evangelium scripsit post reversionem ab exsilio, sicut Hieronymus in Prologo Evangelii ejus.