209. De sancto Dionysio.

la. Doctorem egregium,
Magnum Dyonisium,
Collauda, fidelium
Plebs cunctorum,

1b. Ad cuius eloquium
Reliquit Mercurium
Dei sequens filium
Gens Fancorum.

2 a. Ave, decus praesulum,
Qui dudum incredulum
Athenarum populum
Convertisti,

2 b. Tu doctrinae speculum,
Qui solus ad oculum
Eclipsis miraculum
Descripsisti.

3 a. Tu distinguis spiritus
Caelestis exercitus
Paulo duce caelitus
Te docente.

3 b. Tu martyr emeritus,
Constans, imperterritus,
Tu legatus inclitus
A Clemente.

4 a. Post feras, incendia,
Crucem et opprobia,
Carceris angustia
Manciparis.

4 b. Dum tractas mysteria,
Christi manu propria
Tibi datur hostia
Salutaris.

5 a. Post squalorem carceris
Morte tandem plecteris
A ministro sceleris
Decollatus.

5 b. Iam regnans in superis,
Condescende miseris,
Quos iure non deseris
Patronatus.