195. De Temporum Iniquitate.

1. Honestatis

Decus iam ''mutatur,
Occultatur ''veritatis

Splendor per mendacia,
Conculcatur castitatis

Rosa sub luxuria,
Omnis aetas, sexus, ordo

Studet avaritiae,
Transit metas morum, corde

Complectuntur vitia.

2. Heu indigni

Quaerunt ''sublimari,
Ut lucrari ''subditorum

Valeant pecunias,
Strata namque vitiorum,

Heu, perdunt animas
Et egenos privant bonis

Nec dant elemosynas,
Sed potentes ditant donis

Propter amicitias.

3. Amicorum

Fides iam ''cacillat,
Et titillat ''cor eorum

Adulans fallacia,
Cum propinat fel pro melle

Per verba praedulcia,
Ore plaudant et applaudant

Sibi per convitia,
Corde fraudant meditando;

Haec nunc amicitia.

4. Audi, fili,

Morum ''disciplinam
Et doctrinam ''Salomonis

Attendens cor inclina,
Ut securus salvatoris

Sequaris vestigia;
Time Deum, placa eum,

Purga noxam lacrima,
Praesto sis et ora eum,

Ut ducat ad gaudia.