QUAESTIO XVII.

bu, Jm differentia divisiva generis inferioris includit differentiam divisivam primam ?

Arist. hic text. 43. D. Thom. lect. 12. Capriol. inl. dist. S. q. 2. Cajet. in exposit. cip. de different. Anton. Andreas hic q. 15. Flatidr. q. 24. art. 5. Tolet, cap. de substant. dub.2. Mercatus 1. post. can. 4. q. 3. ad 3. Saucii. lib. 3. q. 28. Masius cap. de diff. sect. 2. q. 3. Rubius ibid. q. 5. Fons.5. Metaph. cap. 28. q. iS.sect. 1. et.2. Hurt disp. 6. Logica sect. 3. Vide Scot. in 4. dist. 11. q. 3.

Quod sic, hic in 7. oportet in divisione generis procedere per differentias per se, et tunc secunda dividit priorem per se, nam fissio pedis est pedalitas, quod praedicatur de alio in abstracto est praedicatio per se primo modo. Item, si non: ergo duae differentiae specificae essent prima praedicata. Probatio consequentiae, illa sunt prima praedicata, de quibus non praedicantur praedicata priora per se ; ergo rationale et irrationale sunt prima praedicata, et tunc generalissima, et tunc sequitur, quod propositio negativa negans unam differentiam ab alia sit immediata, sicut rationale non est irrationale. Item, si sic ergo differentia inferior non diversificat genus secundum se, consequens est falsum contra Aristotelem quia . animal hoc ipsum quod est, est diversum per differentias diversas. Probatio consequentiae : In genere diviso, si non sit genus intermedium, non est nisi genus superius et differentia constitutiva ejus: genus superius non includitur in differentiis inferioribus, nec differentia, quae constituit scilicet sensibile, non distinguitur per differentias, quia ipsa non includitur in aliis differentiis, quia se habet ad ipsas, sicut potentia ad actus; sed potentiale non distinguitur secundum essentiam suam per actum.

Contra, si sic, ergo differentiae essent differentes. Probatio, 5. dicit Philosophus : differentia sunt diversa aliquid idem entia. Similiter 10. differentia aliquo sui sunt differentia, diversa non. Sed rationale et irrationale sunt diversa et differentia, quia conveniunt in differentia superiori per te, sed ex. hoc proceditur in infinitum, si omnis differentia includit superiorem, quia si differunt, differunt differentiis, et illae differentiae includunt superiorem, etc. Similiter, tunc differentia esset vere species, et tunc plura genera quam decem, cum non sit species alicujus illorum decem; omne quod habet praedicatum dictum de ipso in quid et differentiam dictam in quale, est species, quia compositum ex genere et differentia, et potest per illa definiri, et omne definibile species est. Sed talis differentia inferior habet superiorem in quid et aliam qua differt ab opposita, quae dicitur de ea in quale.