214 TAURINEN.

domicilium non acquisierat, neque in sua, neque in aliena paroecia, licet procul dubio in aliqua paroecia domicilium seu habitationem haberet. Ex quibus mihi concludere licet, Latinam Pettenati quasi domicilium habuisse in paroecia S. Francisci de Paola, ac proinde licite et valide eorum ma- trimonio assistere potuisse parochum Centa.

Sed quodnam tempus requiritur, ut aliquis advena possit in loco non suo matrimonium contrahere? Respondet Gury cum pluribus aliis sufficere habitationem unius mensis. At- que confirmatur declaratione Ben. XIV in Epistola ad Episc. Groanum quae ita se habet. « Hac in re non alio pacto re- sponderi potest, nisi quod antequam matrimonium contraha- tur, spatio saltem unius mensis ille qui contrahit, habitave- rit in loco ubi matrimonium contrahitur. » Quae regula non ita est intelligenda, ut mora unius mensis constituat quasi domicilium. Hoc enim non acquiritur, nisi adsit animus ibi degendi per maiorem anni partem : sed habendam asse ut adminiculum, cuius ope praesumi queat animus figendi in eo loco quasi domicilium.

Quae praesumptio vim habet quousque clare et aperte non constet, advenam declarasse se nolle in eo loco, quo de- git, quasi domicilium figere, vel de facto domicilium alibi transtulisse, vel quod eius conditio socialis impedimento sit ne ibi quasi domicilium ligat. At nihil horum locum habuit, in casu nostro.

Nullum enim vestigium adest, quod mulier declaraverit se nolle quasi domicilium acquirere in paroecia s. Franci- sci a Paola; quin potius contrarium eruitur; secus enim pa- rochus Centa nec proprius eius parochus haberi potuisset, nec ad ipsum pertinuisset eius matrimonio assistere. Non 2 etenim licet Flessingam post nuptias petiisset, non tamen animus ipsi esse poterat ibi domicilium figendi. Sciebat enim eius mansionem apud viri parentes brevi tempore esse dura- turam, quousque nempe eius vir munus sibi demandatum exe- queretur: quo expleto, ad pristinum domicilium esse rede- undum.