214 EX S. G. CONCILII

sarum fundationem in casu faciendam esse, tunc e medio

ablata est quaecumque difficultas cum duo executores iam

in unam eamdemque convenirent sententiam quoad legatum

exequendum et exinde legem traderent tertio executor!, ut

ipsis accederet, iuxta DD. sententiam superius traditam,

i. e. quod « gesta a maiori parte executorum praevalere

debet ».

Postremo loco animadvertendum est Episcopum in suo

voto significare intentionem addendi huic legato onus adiu-

vandi parochum, quin tamen capellanus hoc legato donatus

aliam recipiat mercedem praeter stipendium missarum, ut

videtur. Quod sane onus obstare non dicendum est volun-

tati testatricis.

Quare etc.

Resolutio

S. Congregatio Concilii, omnibus perpensis, die 18 Iu-

lii 1903 hanc dedit responsionem :

Ad mentem.

I N F O L I O

Num. II.

PARISIEN.

NULLITATIS MATRIMONII

Die 18 Iulii 1903. Sess. 24, c. 1, De ref. matr.

Species facti

Franklin...., defuncto patre a. 1875, adhuc adolescens ex Anglia matrem sequutus est Parisios in Gallia, ubi amore

captus est erga quandam Blancam. ., cum qua cogitare

coepit de matrimonio contrahendo. Et quia ambo sectae