311.

1a. O flos post fructum purior,
Cibus summae dulcedinis,
Per te natura hominis
Est creaturis altior.
2a. Unitaque principio,

Quod Iactasti cnm gaudio,

Concepto solo flaminis
Intuitu, das omnia
Cum summa providentia.
3a. Candens sicut lilium,
Centrum mirae puritatis,
Verum Dei filium
Sub nostrae humanitatis,
[Forma genuit].
4a. Salve, delectabilis

Reparatrix curiae,
Nardus admirabilis,
Templum carens carie.
5a. Hydria munditiae
Plena singulariter,
Stillans multiformiter,
Ad tantum excellens via.

1b. Tu stella sole clarior,

Cedrus coel estis numinis,
Fructus cujus cacuminis
Est omni bono melior.
2b. Omnipotens, qui filio
Praecepit, ut supplicio

Portaret sordes criminis
Nostri, ferret supplicia,
Quod perfecit te praevia.

3b. Haec reclinatorium
Fuit verae trinitatis,
Quae post puerperium
Flosculum virginitatis
[Semper tenuit].
4b. Tu supraamabilis,

Verae vena veniae,
Tu semper laudabilis
Columna justitias.
5b. Roga regem gloriae,
Quod misericorditer
Salvet nos, ut dulciter
Fruamur tecum, Maria.