NANCEIENSIS ET TOULLENSIS 215

hi medici, detenti, iuramentum recusaverint, aut quaerendi essent alii, aut saltem difficultas in Processu declaranda.

Ponamus autem depositionem medici Poincarré, debitis indutam conditionibus iudicialibus, nullum dubium quod sum- mi valoris esset. Probat integritatem moralem et physicam Mariae, probat impotentiam saltem temporaneam Rogerii. Confirmat quoad haec, depositiones obstetricum, quae, licet in se probationes sint et ut tales in iure et penes S. C. C. admissae, nihilominus, robur, et vim maximam accipiunt ex testimonio independenti medici alicuius periti.

Verum, si rigorose standum est Constitutioni Benedi- ctinae et Instructionibus citatis defectus processus erunt ora- tricis causae valde nocivi, quin dicam destructi vi ; sed ex alia parte, cum ipsa sit, quoad hoc, ab omni culpa immunis, cum partes proprias fideliter adimpleverit, producendo testes et inspectionem, bis subeundo. Crederem ego, sanari posse processum quoad hos defectus, et procedi « rei veritate in- specta » ad sententiam definitivam.

Cap. Proposuisti, de Probationibus, admittit iuramentum mulieris cum testimonio septem aliorum, quae per inspectio- nem, eam esse virginem deprehenderunt, contra virum, con- trarium etiam sub iuramento asserentem. Hic autem vir fassus est matrimonium non fuisse consummatum, et nulla est formido collusionis inter partes cum ipse noluerit omnino coram Iudice se sistere aut testes producere. Insuper, prae- ter testimonium mulierum, habemus hic testimonium medico- rum, extraiudiciale quidem, sed non propter hoc omni pon- dere et auctoritate privatum. Deinde nulla suspicio adest circa sinceritatem Mariae, cuius pietas et religio laudantur a gravibus sacerdotibus, qui hoc testimonium proferunt in- tuitu istius causae, quod certe nunquam fecissent, si vel umbra extitisset alicuius suspicionis. Consideratis, igitur omnibus, tum iudicialibus, tum extraiudicialibus, mihi videtur fidem plenam mereri depositionem Mariae, tot adminiculis confirmatam; ex quo concludere licet, matrimonium non fuisse consummatum, et hoc ob impotentiam viri.