212. De sancto Eligio.

la. Sanctitatis speculum
Illustrantem saeculum
Sicut solis radium,

1 b. Laudemus Eligium,
Nostrorum refugium,
Consolamen cordium.

2 a. Per Franciae spatia
Stillat eius gratia
Dulce refrigerium,

2 b. Praebens infirmantibus
Opem postulantibus
In fletu solacium.

3 a. Honesta religio
Fulget in Eligio
Normaque fidelium.

3 b. Hunc, ut Christi lectio
Praecipit, dilectio
Reddidit innoxium.

4 a. Quem monstrabat macies
Atque pia facies
Caritate saucium,

4 b. Post hanc vitam labilem
Intrat vitam stabilem
Linquens orbis devium.

5 a. Cuius, Christe, precibus
Da tuis supplicibus
Sacrum septenarium,

5 b. Ut per eius meritam
Habeamus transitum
Ad perenne gaudium.