216 EX S. C. CONCILII

Et in primis animadvertit ambos coniuges, quamvis hae-

reticos, subiectos esse decreto « Tametsi » ratione domicilii quod unus et altera Parisiis habebant. Nam H, S. C. die

8 Ianuarii 1678 probante Innocentio XI declaravit : « hae-

reticos quoque, ubi decretum est promulgatum, teneri ta-

lem formam observare, proinde eorum matrimonia, non ser-

vata forma Concilii, quamvis coram ministro haeretico vel

magistratu civili contracta, irrita et nulla esse ». Eandem

declarationem dederat eadem S. C. die 8 Ianuarii 1663, et

die 3 Septembris 1772 in Instructione ad Episcopum Ge-

nevensem. Insuper ambo coniuges domicilium Parisiis ha-

buerunt ; nam Blanca, nullum aliud domicilium habuit quam

illud parentum, apud quos et cum quibus Parisiis ipsa mo-

rabatur; item Franklin, adhuc minor, domicilium necessa-

rium apud matrem, cum qua degebat Parisiis, habebat.

Quum igitur, arguit orator, Concilium Tridentinum in Gal-

lia publicatum fuerit et coniuges domicilium Parisiis ha-

buerint, sequitur quod ipsi, quamquam haeretici, lege tri-

dentina tenebantur, ac proinde sub poena nullitatis debe-

bant matrimonium contrahere coram proprio parocho.

E contra coniugium in Anglia coram ministro acatho-

lico celebratum fuit, ideoque absque parocho proprio alter-

utrius coniugis. Nec coniuges a proprio parocho delega-

tionem petierunt; imo haec delegatio ne concipi quidem

potest, agitur enim de haereticis , quibus parum interest,

coram hoc vel illo proprii cultus ministro nubere. Et et-

iamsi delegatio extitisset, nulla prorsus fuisset, quia paro-

chus delegare non potest nisi alium sacerdotem, et mini-

ster anglicanus non est verus sacerdos.

Sed matrimonium, addit orator, celebratum fuit in An-

glia, ubi decretum « Tametsi », cum ibi publicatum non fuerit, matrimonia valide contrahuntur praesente cuiuslibet cultus

ministro, dummodo contrahentes legi tridentinae subiecti non

sint vel subiectos esse desierint, quod fit per acquisitionem

domicilii vel quasi domicilii. Sed nec Franklin nec Blanca

domicilium aut quasi domicilium in Anglia acquisierunt.