Litterae 217

Regulares quemadmodum Tibi videtur, possessionibus dumtaxat eorum dominii alantur et sustententur? Non certe. Hi Canones sunt: Constitutio « Cum alias » Gregorii XV Decessoris Nostri, die 17 augu- sti 1622 edita: Constitutio « Cum saepe» Urbani VIII item Deces- soris Nostri, die 21 iunii 1625, et Constitutio « Nuper » Innocentii XI I item Decessoris Nostri, die 23 decembris 1697. Ac satis erit eam afferre quae recentior est aliasque duas complectitur. Haec igitur Constitutio ita loquitur: «Deinceps vero monasterium conventus, «domus, etc.... Regularium nullibi recipiatur nisi in singulis huius- » modi locis duodecim saltem religiosi degere et ex redditibus et « consuetis eleemosynis, detractis detrahendis, competenter sustentari « valeant ». Itaque Canones minime loquuntur unice de possessioni- bus, sed generatim de redditibus et eleemosynis contenti sunt.

Sed iam loquamur oportet de alia conditione seu de Episcopali Venia et consensu quem Tridentina Synodus et Pontificiae Consti- tutiones ad Canonicam Regularium domorum existentiam constituen- dam requirunt. Nemo certe, Venerabilis Frater, de huiusmodi Epi- scopalis Consensus necessitate dubitare potest, sed in praesenti quae- stione est videndum, si hic Consensus sufficienti modo extiterit. Ac rebus omnibus sedulo examinatis, qua aequitate negari unquam pote- rit eiusmodi extitisse Consensum? Et sane, ut caetera omittamus, omnes norunt, Venerabilis Frater, commemoratos Religiosos tum Franciscalis Ordinis, tum Societatis Iesu viros reipsa plures abhinc annos istic extitisse sub variis Parisiensibus Antistitibus Tuis Prae- decessoribus, qui eorumdem Regularium opera ad Animarum Salu- tem curandam, et ad omnia Sacri Ministerii Munia obeunda quam libentissime usi sunt, quique eosdem Regulares omnibus benevo- lentiae et honoris significationibus sunt prosequuti. Quae tuorum praedecessorum erga ipsos regulares agendi ratio clare ostendit Canonicum Consensum sufficienti modo expressum fuisse, illum- que negari haud posse, quin maxima Tuis ipsis Praedecessori- bus inferatur iniuria. Atque percommode cadit quod (de institut, cap. « non amplius ») Fagnanus auctor aequalis et etiam posterior Urbano VIII aliisque Romanis Pontificibus Praedecessoribus a Te appellatis et illarum Canonicarum Constitutionum quas recenses scientissimus scribebat, quin nemo unquam vel antea vel postea adversatus fuerit Glossa ultima in cap. de Monachis quaest. 2, pon- derando verbum probante notat satis esse ut Episcopi Consensus acce- dat post erectionem quia ratihabitione potest confirmare et consen- tiunt ibi Hugo Archidiaconus et alii. Et revera aliter esse non potest, cum ita aequitas exigat, et quemadmodum iurisperiti loquuntur facta potentiora sunt verbis.

Ex quo pro tua sapientia intelligis nullum pondus habere tum animadversionem ex Urbani VIII Constitutione deductam, ut scilicet Ordinarii Venia expressa esse debeat et non implicita aut prae-