PARISIEN. 217

Heic tamen obiter notat patronus, quod ut quis a prae- scriptionibus tridentinis immunis fiat, domicilium in loco ubi lex non viget acquirere debet. Nec audiendi sunt, iuxta ipsum, illi auctores, qui accipientes verba « cum fraude » in sensu malae fidei seu fraudis intentionalis, existimarunt bonam fidem sufficere ad matrimonium valide contrahendum. Etenim verba « cum fraude » in sensu fraudis iuridicae intelligi debent. Quod ut probet affert quae tradit Gasparri de matr. 11, n. 985 et Benedictus XIV in Inst. Eccl. 33, n. 9. Ex quo patet, inquit orator, neminem a lege triden- tina exemptum fieri nisi per acquisitionem domicilii aut quasi domicilii in loco ubi ea lex non viget, nulla habita ratione de intentione contrahentium, sed admissa dumtaxat in ipsis fraude iuridica.

Hisce positis, advocatus ait extra omne dubium esse Blancam non habuisse domicilium in Anglia ; sed ipsa nec quasi domicilium ibidem acquisivit. Sane sponsa bis dum- taxat, commorata est in Anglia, at causa omnino transeunte, quae non solum sufficere non poterat ad quasi domicilium constituendum sed quae quasi domicilium excludebat. Causa enim primae commorationis, non ultra duos menses pro- tractae, fuit visitatio fratris, rusticatio, mare et alia hu- iusmodi. Et dato etiam et nullimode concesso, quod per hanc commorationem Blanca quasi domicilium in Anglia acquisivisset, hoc quasi domicilium desiit ob rationem dis- cessus, veluti quodlibet quasi domicilium desinit, duobus elementis, ex quibus ortum duxit, cessantibus. Altera com- moratio ad nuptiarum celebrationis tempus se refert, sponsi enim in Anglia permanserunt brevi unius mensis spatio pro matrimonii celebratione et postea, Parisios redierunt ; causa autem coniugium celebrandi ex se excludit animum perma- nendi per maiorem anni partem ac proinde quasi domi- cilium. Quod si quis obiicere velit praesumptionem quasi domicilii (de qua Benedictus XIV in sua epistola « Paucis annis ») ex commemoratione unius mensis ante matrimo- nium depromptam, respondet orator: Io ibi agi de prae-