214. De sancto Erasmo.

la. Eia, fratres, psallite

Christo, regi gratiae,

Corde exsultantes;

1b. Rursum ore canite
Eius laudes dicite
Cunctis praedicantes,

2 c. Almi Dei filium

Sanctum quoque spiritum
Simul credendo,

2 b. Sine labe criminum
Virtutumque Dominum
Hunc agnoscendo.

3 a. Mundus corde, corpore,
Plenus Christi nectare,
Ascriptus iam curiae
Caeli gloriatur.

3 a. Uacans solitarie
Angelorum solamine
Fruensque cottidie
Semper confortatur.

4 a. Sic a Deo consolatur,
Ei tanta virtus datur,
Brutorum et hominum

4 b. Mala ut [cuncta] pellantur;
Bona quoque condonantur
Gratiarum omnium.

5 a. Audit vocem Dei, tamen
Laetus vadit ad certamen
Crucis usus titulo.

5 b. Regi primo praesentatur,
Fame, siti maceratur
Carceris ergastulo.

G a. Ter virgis flagellatur,
Fustibus verberatur,
Nec sic frangi potuit;

6 b. Igni plumbum apponatur,
Sulphur pici misceatur,
Sic rex iubet, sic et fit.

7 a. Regem orat caelorum,
Ut intueatur chorum
Fidelium omnium,

7 b. Ipsum cibum angelorum
In extremis det cunctorum
Sibi servientium.

8 a. Eia, pater orphanorum,
Ora cum fiducia,
Ut laetemur ante thronum
In Dei praesentia.

8 b. Consolator miserorum,
Da bona praesentia,
Ut laudemus summum bonum
Hic atque in patria.