217. De Sororibus BMV.

1. O nobile collegium

Sanctarum sororum trium,

Quibus nomen est Maria,
Vestrum sanctum suffragium
Imploro ad praesidium
In ista angustia.
2. Quae erit Christo gratior
Aut quae sibi acceptior,
Quam sit vestra oratio,

Nulla sibi coniunctior,
Nulla sibi proximior,

Quam sit vestra cognatio.
3. Tu sibi, virgo, mater es,
Inde sibi quod imperes,

Et naturae dat ratio ;
Vos vero duae ceterae
Estis ejus materterae,

O quam ingens affectio.

4. Vobis me dedicaveram
In servum et decreveram,

Memetipsum expendere
In devotis officiis
Et debitis obsequiis

Vestri Deique munere.

5. Sed in morbo jam imbibor,
Deficiens et delibor,

Si nunc desit remedium ;
Ergo dulce consortium,
Vestrarum precum dulcium
Sentiam nunc auxilium.