218 Acta Apostolicae Sedis - Commentarium Officiale

sub eorundem patrum disciplina exstant ibidem: Institutum a sanctis

Cyrillo et Methodio nuncupatum, pro Slavis Missionariis efformandis alu-

mnisque instituendis erectum; tirocinium pro novensilibus ecclesiasticis

et religiosis nationis czecoslavicae; magna domus Stojanov dicta pro spiri

tualibus exercitationibus quolibet anni tempore habendis; nec non altera

aedes materna Congregationis Sororum, nuncupatarum a sanctis patronis

Cyrillo et Methodio; simulque plures catholicae associationes, quae sedem

ibidem obtinent et conventus animos celebrant, frugiferum ad finem ut

magis ac magis fideles imbuantur spiritu, doctrina atque exemplis tutela-

rium sanctorum, illorumque vestigiis adhaereant religiose. Haec animo re-

petentes, cum venerabilis frater Leopoldus Preçan, Archiepiscopus Olomu-

censium, archidioecesis sibi commissae utriusque cleri et populi fidelis

communia vota depromens, ac nominatim Piae Unionis Velehradensis,

cui titulus et sedes centralis est Apostolatus Ss. Cyrilli et Methodii ad

sanctum finem reconciliationis Ecclesiae Orientalis cum Eomana Ecclèsia

promovendum, eiusque Congressus postremi dierum xx et x x i v mensis

Iulii anni nuper elapsi, Nos humillimis iteratisque supplicationibus depre-

catur sit ut ecclesiam super enunciatam ad titulum ac privilegia Basi-

licae minoris evehere dignaremur, Nos optatis his concedendum ultro

libenterque existimavimus. Quae cum ita sint, audito venerabili fratre

Nostro Antonio Sanctae Bomanae Ecclesiae Cardinali Vico, Episcopo

Portuensi ac Sanctae Eufinae, Sacrorum Eituum Congregationi Prae-

fecto, omnibusque rei momentis attente perpensis, motu proprio atque

ex certa scientia et matura deliberatione Nostris deque apostolicae No-

strae potestatis plenitudine, praesentium tenore perpetuumque in modum,

perinsignem ecclesiam Velehradensem Deiparae Virginis in caelum rece-

ptae titulo decoratam, nomine et privilegiis liturgicis aliisque honorificen-

tiis, quae Basilicis minoribus iuxta Apostolicas concessiones competunt,

cohonestamus atque cumulamus.

Haec edicimus, mandamus, praecipimus decernentes praesentes Litte-

ras firmas, validas atque efficaces iugiter exstare ac permanere suosque ple-

nos atque integros effectus sortiri atque obtinere illisque, ad quos spectant

sive spectare poterunt, nunc et in posterum perpetuo suffragari; sicque rite

iudicandum esse ac definiendum; irritumque ex nunc et inane fieri si quid-

quam secus super his a quovis, auctoritate qualibet, scienter sive ignoran-

ter attentari contigerit. Non obstantibus contrariis quibuscumque.

Datum Eomae, apud Sanctum Petrum, sub anulo Piscatoris, die VII

m. Februarii anno MDCCCCXXVIH, Pontificatus Nostri septimo.

P. C A E D . G A S P ARRI , a Secretis Status/