2 1 8 PROPOSITIONES REPROBATAE ETC.

Hisce communicatis litteris Professores illi dubitarunt adhuc, existimantes non quidem doctrinaliter suas opiniones, quas die 1 Fe- bruarii 1860 exposuerant, fuisse reprobatas, sed tantam disci- plinaliter,

Eme Princeps, Praesules Elmi, Revmi. « In consessu Episcoporum Belgii hesterno die habito, placuit

Vobis communicare nobiscum epistolam, quam die 3 iunii ad Emum Cardinalem Archiepiscopum Mechliniensem dederat Emus Cardinalis Patrizi. Ibi aliquot e venerabili vestro coetu Episcopi nobis manifestarunt, se quidem in ea versari sententia, ut putent, ex illa epistola, attentis decretis S. Sedis circa scripta D. Ubaghs, constare nostram de evolutione humanae rationis opinionem a S. Sede doctrinaliter fuisse damnatam. Ipsi nos tum hac de re a Venerabili vestro coetu interrogati, respondimus: Velle nos luben- tissime nos abstinere ab illa opinione sive ore sive scripto do- cenda ; attamen non esse nobis hactenus plenissime persuasum praedictam opinionem fuisse a S. Sede doctrinaliter damnatam, quum haec damnatio nobis videretur confici non posse neque ex decretis S. Sedis, neque ex rationibus, quas hanc in rem nonnulli e venerabili Vestro coetu attulerunt.

» Grato animo hic recordamur quod, postquam nos dicentes benigne audissetis, uno ore de nobis testati estis omnes Eine Prin- ceps, Praesules Illmi, Revmi, certo vos scire nos ita esse animo comparatos, ut plene, perfecte absoluteque stare velimus omni S. Sedis decreto eidemque, statim ac nobis innotuerit, nos sub- mittere.

«Itaque Venerabili Vestro coetui placuit petere a nobis, ut opinionem nostram distincte exponeremus, a Vobis deinde iu- dicio S. Sedis subiiciendam. Cui petitioni Iubenti animo satis- facientes haec declaramus.

» Primo. Plenissime nobis esse persuasum, hominem post la- psum Adami posse per se ,v hoc est solis suae naturae viribus ipsi insitis, absque ulla revelationis supernaturalis et gratiae subsidio, cognoscere atque demonstrare existentiam Dei et alias quasdam veritates metaphysicas externas. Sentimus, veritates illas externas ex principiis rationis et contemplatione rerum crea- tarum certissima deductione demonstrari posse. Videmur autem nobis per hanc declarationem reiicere omnia illa, quae in utro-