218 EX S. G. CONCILII

sumptione iuris tantum et non iuris et de iure, quae nem-

pe admittit contrariam probationem ; iamvero 2° haec con-

traria probatio satis superque ex eo colligitur quod nos mi-

nime sumus in hypothesi a Benedicto XIV facta, qui lo-

quebatur de catholicis alio transeuntibus, ne in propria sede

matrimonium contraherent. Sed hic animus admitti nequit

in duobus haereticis, tridentinae legis omnino ignaris, nul-

lumque animum habentibus eam effugiendi vel servandi.

Praeterea 3° abest etiam commoratio unius mensis, nam

sponsi per plures dies Londini com morati sunt antequam

ad pagum Paignton se conferrent.

Deinde advocatus eamdem demonstrationem instituit

quoad Franklin. Ipse enim non habebat nec habere poterat

domicilium in Anglia, quia eius domicilium necessarium

erat apud matrem Parisiis. Et sane explorati iuris est,

filias vel filios minores non emancipatus a potestate pater-

na, usque ad maiorem aetatem, domicilium verum retinere

in domo paterna vel materna, quod libere pro suo arbitrio

relinquere non possunt, nisi postquam pervenerunt ad ae-

tatem maiorem, aut emancipationem consecuti sunt. Iamvero

certum est actoris matrem, secundis nuptiis contractis, do-

micilium Parisiis fixisse illudque nunquam deseruisse ; cer-

tum est Franklin cum matre, sub cuius potestate erat,

semper et constanter habitavisse; ergo certum est etiam

domicilium iuris seu necessarium imo et facti apud matrem Parisiis eum habuisse, quod domicilium sufficit per se ad

quodlibet aliud excludendum in Anglia.

Insuper vir nec quasi-domicilium in Anglia habuit tem-

pore celebrationis coniugii ; et dato etiam et non concesso

quod quasi-domicilium vertente anno 1890 acquisivisset,

illud nuptiarum tempore amisisse. Et sane quasi-domici-

lium duobus elementis conficitur, seu commoratione et ani-

mo permanendi per maiorem anni partem in aliquo loco.

Doctrina, quae hanc materiam regit ad duo principia re-

duci potest, scilicet: 1° Quod commoratio ad sex menses

producta, vehementissima!!! acquirendi quasi-domicilium prae-