215. De sancto Erico.

1 a. Gratulemur dulci prosa,

Laus Erici gloriosa

Prodeat in medium.

1b. Ex radice generosa

Transportatur vernans rosa

Ad regale solium.

2 a. Regni rebus ordinatis

Sanctus adit cum armatis

Terras infidelium.

2 b. Defunctorum in peccatis

Miro motu pietatis

Deflet strages hostium.

3 a. Iustus in iudicio,

Frequens in ieiunio

Artus atterebat;

3 b. Aspero cilicio

Fervida devotio

Mentem incendebat.

4 a. Viri pravi conspirantes

Et in necem macbinantes

Regis unanimiter

4 b. Bellum movent improvisum,

Rex occisus paradisum

Introit feliciter.

5 a. A defunctis revocatam

Matri vivam reddit natam

Et sanat puerperam.

5 b. Quinque plagis vulnerato,

Iam de vita desperato

Dat salutem prosperam.

6 a. Felix, cuius gratia

Fugantur daemonia,

Vident excaecati;

6 b. Contracta erigitur

Et submersus redditur

Plenae sanitati.

7 a. Sponsione facta voti

Vocem reddit sacerdoti

Et infanti tibiam ;

7 b. Statim inter fratrum manus

Frater Minor surgit sanus

Post longam miseriam.

8 a. Sensum reddit mulieri,

Quae vix capi vel teneri

Poterat prae furia.

8 b. O quam probant sanctum Dei

Et confirmant fidem rei

Tanta mirabilia !

9 a. Ergo regi mirifico

Laus laetabundo cantico

Frequentetur,

9 b. Cuius fruens Upsalia

Salutari praesentia

Iucundetur.

10 a. Tu, Sueorum rex, Erice,

Magnc martyr at amice

Dei, prece sedula,

10 b. Venerantes te emenda

Et nos illi recommenda,

Qui regnat in saecula.