218. De sancta Ursula.

1. Ave, virgo Ursula,

Genere regalis,
Non te carnis macula

Fuscat aliqualis,
In te tabernacula

Princeps illocalis
Fixit praebens oscula

Sponsi spiritalis.
2. Ave, primiceria,

Victoriosarum
Te undena milia

Ornant puellarum,
Tibi per martyria

Totidem sanctarum
Frequentatur gloria

Per orbem terrarum.

3. Ave, mundi dulcia

Quae aspernabaris,
Juste tympanistria

Agni nuncupans,
Christo multa milia

Martyrum lucraris,
Cum quibus in curia

Coeli gloriaris.
4. Ave, ecce sceleris

Me ligat ligamen,
Cujus quoque ponderis

Opprimit gravamen,

Per hoc curre prae caeteris

Meum ad juvamen,
Ut mihi non noceat

Hostis, sis levamen.
5. Ave, vitae speculum,

Virginum regina,
Quam illustrat undique

Gratia divina,
Aurem tuam pauperum

Precibus inclina,
Quos involvit misere

sordium sentina.
6. Ave, his temporibus

quae surgis ut stella,
In occidentis partibus

Patria novella,
A me piis precibus

Mortis fuga bella,
Me junge coelestibus,

O dulcis puella.
7. Ave, virgo regia,

Regem contemplando
Preces nostras suscipe

Sibi praesentando,
Ut pro tuo nomine

Nobis miseretur
Nosque tibi famulos

Tecum coronetur.

IV.

DIVERSA.