REATINA

ante dissolutionem sponsalia valida fuerunt, et ex 'eis natum erat impedimentum, quod non subiicitur sponsorum volun- tati, sed moderatur iure ss. canonum.

V. Sponsalia de futuro signis confici posse ; et sic con- tracta valida erunt, quatenus ex consuetudine loci per signa haec sponsalia iniri soleant.

VI . Hinc valida in themate habita sunt sponsalia per traditionem annuii contracta, cum eo loci annuii traditio sponsalia significet ; et rite perdurare impedimentum publi- cae honestatis, quamvis sponsalia mutuo consensu dissoluta dici queant, dum uterque sponsus ad alia vota transierit.,

! *&¡*

A R B O R E N .

SPONSALIUM

Die 11 Iulii 1885.

Sess. 24 cap. 1 et 5 De reform, matr.

COMPENDIUM FACTI. Salvatori Catzeddu, uxorem ducere volenti quamdam Mathildem Murra, se opposuit Sophia Vidili, allegans se inter et Salvatorem Catzeddu inita iam- diu fuisse sponsalia. Itaque apud Curiam, Sophia Vidili per suum procuratorem quosdam articulos asseruit, et ad eos evinciendos 23 testes examinari postulavit. Sed deinde arti- culos et testes semel ac bis aliquantulum variaVit, usque dum articuli ita definitive sunt constituti: 1. verum esse Salva- torem coram testibus fidem dedisse Sophiae de futuro ma- trimonio , et Sophiam repromisisse : 2. verum esse , post datam fidem , Salvatorem saepe petiisse domum Sophiae ; 3. verum esse, Salvatorem saepe declaravisse personis com- pluribus sese de futuro matrimonio fidem Sophiae dedisse.

Porro Ioannes Catzeddu interrogatus quoad primum ar- ticulum, omnino favore Sophiae Vidili deposuit, itemque tres, qui in secundo articulo percontati fuerunt; at ex no-