TAURINEN. 219

invictissime demonstrant. 1. Scilicet coniugum domicilium in civitate Taurini, 2. parochum Centa et ecclesiam S. Fran- cisci de Paula ad coniugandos pertinere, seu esse proprium parochum, propriamque paroeciam, 3. matrimonium in casu celebratum fuisse cum licentia Curiae taurinensis ac dispen- satione eiusdem á proclamationibus, 4. dictum matrimonium initum fuisse cum interventu duorum testium. Quae omnia canonicis sanctionibus apprime respondent, et praecipue ad ea quae Synodus Tridentina statuit Sess. 24 c. 1, Be re- format, matrimonii his verbis: « Qui aliter quam praesente parocho, vel alio sacerdote, de illius parochi, seu Ordinarii licentia, et duobus, vel tribus testibus matrimonium con- trahere attentabunt, eos s. Synodus ad sic contrahendum omnino inhabiles reddit, et huiusmodi contractus irritos, et nullos esse declarat. »

Restat nunc ut ex consequentibus aliqua breviter pro- mamus. Et illico ex processu eruitur quod contra matrimo- nium rite celebratum anno 1860 insurgit orator post annos triginta ab ipsius celebratione. In quo tam longo temporis spatio, non solum diuturna coniugum cohabitatio, sed et pa- cifica conversatio inter ipsos fuisse videtur. Numerosa quo- que prolis procreatio id ipsum confirmat. Etenim ex eorum contubernio quinque nati filii sunt, quorum prima adhuc vi- vit, et Fortunato coniugata est.

His omnibus merito sequentia addenda videntur nempe. 1. Ex tot documentis ab oratore exhibitis ad impugnandum suum matrimonium ne unum quidem reperitur, ex quo ap- pareat inter coniuges fuisse dissensiones, iurgia, odia, cete- raque alia, quae suspicionem etiam remotam ingerere pos- sent ipsos non esse veros coniuges. 2. Si orator a celebra- tione sui matrimonii, conscius erat de nullitate eiusdem ob defectum consensus, quare per annos triginta de illa peni- tus siluit? Quare per tribunalia saltem civilia, maxime in hac temporum licentia, illud infirmare non curavit ? 3. De- nique inverosimile videtur oratorem nullam habere, vel ha- bere posse notitiam, ut asserit, de sua coniuge Latina, ut