PARISIEN. 219

sumptionem constituat, quia commoratio sex mensium, grave

indicium est intentionis permanendi per maiorem anni par-

tem. Attamen haec praesumptio est iuris tantum, et non

iuris et de iure, seu contrariam probationem recipit, excepto

casu, in quo evaserit praesumptio iuris et de iure, veluti Pa-

risiis ob decretum S. O. S. Officii anni 1899. 2° Quod fa-

ctum commorationis unius mensis sit praesumptio intentio-

nis acquirendi quasi-domicilium, quando quis in aliquem lo-

cum se confert matrimonii celebrandi causa, qui matrimo-

nium contrahere non vult in loco ubi Concilium Tridenti-

num viget. Haec praesumptio oritur ex celebri constitutio-

ne Benedicti XIV « Paucis abhinc ». Sed in casu, iuxta patronum, non agitur nec de prima, nec de altera prae-

sumptione. Non de prima, quia in facto Franklin ante ma-

trimonium numquam in Anglia sex menses consecutivos

transegit, et dato etiam, sed minime concesso, quod per sex

menses, labente anno 1890, ibi commoratus fuerit, nihil

inde consequeretur ; nam probari deberet, tempore celebra-

tionis matrimonii, seu in ultima commoratione quasi-domi-

cilium ibi habuisse. Neque agitur de altera praesumptione:

Io quia nemo sanae mentis cogitare poterit Franklin in

Angliam se contulisse matrimonii celebrandi causa, ne il-

lud contraheret in loco ubi decretum « Tametsi » vigebat, nam si etiam Parisiis nupsisset, certo certius, ait orator,

matrimonium coram parocho proprio non contraxisset ;

2°quia unius mensis spatio in pago Paignton commoratus non est, quod per se applicationem praesumptionis benedictinae

excludit.

Quoad vero intentionem permanendi per maiorem anni

partem, haec colligitur a ratione commorationis. Nam Fran-

klin a. 1890 labente in Angliam venit, ibique sex mensi-

bus in toto, a fortiori sex mensibus consecutivis non per-

mansit; imo commorationis causa fuit transitoria, nempe

visitatio fratrum, ac proinde deerat omnino ratio necessa-

ria ad determinandum animum commorandi per maiorem

anni partem. Ultima commoratio locum habuit tempore ce-