220 DISTRIBUTIONUM

cíente rationabilitate, quae prima et essentialis consuetudinis praerogativa censetur.

I I I . Eamdemque S. C. Congregationem quamplurimas edi- disse resolutiones, ut constitueret non licere canonicos, tempore vacationis, facere suas quotidianas distributiones, non obstante consuetudine immemorabili.

IV. Neque officere an haec consuetudo relata sit in capi- tulari statuto, auctoritate Episcopi recognito, minime vero a Sede Apostolica confirmato ; quum Episcopus derogare nequeat legi superioris.

V. Per actualem resolutionem confirmari opinionem illorum qui putant, nuHam induci posse consuetudinem contra Tridentini sanctiones, propter decretum irritans a Pio IV adiectum, quum per Bullam In principis Apostolorum Tridentinum confirma- ret. (1)

(1) Recoló si vis quae innuimus Vol. XII pag. 498 col. 2 quoad quae- stionem, utrum irritari possint Tridentina decreta per contrarias consuetudines.

ONERIS MISSARUM.

Die 20 Decembris 1879.

COMPENDIUM FACTI. Vicarius Capitularis Dioecesis M. retulit S. C. Congregationi, Seminarium dioecesanum, vi cuiusdam do- nationis eidem factae de anno 1 7 4 9 , suscepisse onus perpetuum celebrandi tres Missas singulis hebdomadis itemque aliam quo- libet anno in festo s. Bernardi. Huic oneri per annos septem- decim satisfactum fuisse a sua fundatione liquet ex libris rationariis eiusdem Seminarii ; sed postea per annos circiter centum Legati implementum fuit intermissum , ita ut ultimus praesul ex tam longa interruptione ratus fuerit, obligationem talem extinctam fuisse. Quocirca quaerit Orator utrum adhuc perduret onus Missarum, et quatenus affirmative rogat absolu- tionem pro praeteritis omissionibus, et reductionem dicti legati