220 RHEMEN.

fex renuntiatus fuit, sub Urbani II nomine. Omnes enarrare res gestas in suo pontificatu, eiusque prudentiam et fortitudinem erga .Henricum Imperatorem, et G-uibertum pseudopontificem, heic impos- sibile esset; pauca ideo delibanda duximus, ut eius sanctitas statim vel ob oculos caderet. Tanta fuit apud omnes opinio de Urbano, ut ab omnibus diligeretur et haberetur pro vero et legitimo Pontifice, praeter Henricum theuthonum principem eiusque asseclas ; quos tamen pro sua prudentia et lenitate morum adeo demulsit, ut ple- rosque illorum puderet, se tam amabili , tamque sancto viro ad- versari.

Fama huius Pontificis clarior in diem fiebat, tum ob Concilium Placentiae anno 1095, aliaque multa in variis civitatibus convoca- ta , tum ob multa, quae de rebus ecclesiasticis eximius Pontifex scripsit. Nihil tamen Concilii Claromontani famam posteris magis commendavit, quam celebris illa in terram sanctam expeditio , in eo concilio eloquentiae Urbani II gratia , communi plausu sancita et promulgata. Quo Concilio ad finem perducto , Pontifex exivit in quadam spatiosae latitudinis platea, talemque habuit orationem eiusdem expeditionis favore , ut adstantes omnes conclamaverint u Deus illud vult » Cui expeditioni Pontifex de Concilii consensu, praeposuit Adhemarum Podii Episcopum, utpote qui u humanis rebus ac divinis valde esset idoneus et utraque scientia peritis- simus ». Quamplurimis autem hac occasione habuit orationes, mo- nuitque Episcopos, ut, quum ad dioeceses reversi fuissent, subiectis sibi populis pro peccatorum remissione iniungerent, in poenitentiae locum, nomen his expeditionibus dare. Ex scriptoribus innumeris deprehenditur quanta ab Urbano praestita fuerint ad hanc promul- gandam promovendamque expeditionem. Atque, ut alios omittam , Ordericus Vitalis lib. 8 ea occasione praedicavit a Eum a Deo Israel maximum principem contra Allophylos constitutum fuisse, cui ille turrim David cum propugnaculis, contra faciem Damasci commiserat. »

Ceterum Urbanum II hac occasione optime de Ecclesia meritum esse, una semper fuit omnium sententia ; quod etiam firmatur an- tiqua inscriptione in Palatio Vaticano insculpta « Urbanus II au- ctor expeditionis in infideles. »

I ta autem expeditionem fovit, ut proficisci vellet cum Roberto Normanniae et Stephano Blesensi comitibus , nisi a catholicis re- tentus fuisset, qui nolebant Ecclesiam romanam tot turbis agita- tam sine pastore relinqui. Anno 1098 Barium se contulit, ossaque