220 ARB OREN,

vem, qui quoad tertium articulum respondere debebant, sex quamvis rite citati non comparuerunt, duo vero nihil scire confessi sunt, unus tantummodo, Palmas Éphisius, reni ita esse iureiurando affirmavit.

Ex altera vero parte Salvator Catzeddu per procurato- rem excepit contra Ioannem Catzeddu, et contra Ephisium Palmas; contra priorem quidem quia senem mendacem ac nullius fidei: contra alterum vero quia spirituali cognatione veluti patrinus baptismatis coniungebatur cum. familia Vidili. Ad haec autem 8 testes ab eo inducti, rite interrogati, uno veluti ore rem ita esse asseruerunt.

Hisce omnibus praestitutis, Vicarius generalis Curiae arborensis die 3 Iulii 1883 sententiam protulit; per quam declaravit non liquere de sponsalibus, et Salvatorem liberum esse ad quascumque alias nuptias in Domino ineundas.

Cum vero ab hac sententia Vidili procurator se appel- laturum fore declarasset, curia instantiam admisit cum hac. clausula: « Praefigimus dies 30 ad docendum de appella- tionis introductione penes iudicem ad quem. » At praefixo tempore inutiliter elapso, instante etiam Salvatore Catzeddu, die 22 Augusti eiusdem anni 1882 iudex appellationem de- sertam declaravit.

Sed duobus post annis, die nempe 3 Augusti 1884, cum Salvator Catzeddu fidem status liberi iterum postularet pro matrimonii celebratione, iterum Sophia Vidili se opposuit, et, novis productis testibus et rogationum formulis, causam iterum videri postulavit. Verum iudex die 5 Septembris 1884 preces reiecit, observans quod « probationum capita... facta respiciunt super quibus iam iudicatum est. » Et die 15 eius- dem mensis nova sententia declaravit, neque locum appel- lationi fieri apud s. Sedem, cum tempus introducendae ap- pellationis penes iudicem ad quem, iam elapsum fuerit.

Hisce non obstantibus Curia arborensis acta omnia ad s. Sedem transmisit.