220. Visio sancti Morandi Allatis.

1. Mira loquor, sed digna fide.

Bernardo? quid hoc est?

Vivis adhuc?

Vivo.

Non es, rogo, mortuus?

Immo.

Et quid agis?

Requiesco.

Taces an faris?

Utrumque.

Cur retices?

Quia dormio.

Cur loqueris?

Quia vivo.
5. Quid loqueris?

Sacra mystica.

Cui?

Mea scripta legenti.

Num canetis ?

Non.

Ergo quibus ? -

Qui dulcia quaerunt.

Nomen habes? - Ita.

Quod?

Bernardus.

Num sine

causa?

Non.

Die ergo, quid est Bernardus ?

Id est bona nardus.

Cur nadus?

Quoniam fragro.

Quo flamine? - Dulci.
10. Cui fragras et ubi?

Lectori codice sacro.

Quod cognomen habes?

De Clara Valle.

Manes hic?

Mansi, sed modo non.

Ubi nunc?

In vertice montis.

Qualis eras in valle manens?

Humilis.

Modo quantus?

Major nunc sursum, quanto minor ante deorsum.
15. Nilne tui vallis habet?

Immo?

Quid?

Ossa.

Quousque?

Donec coeleste fiat terrestre cadaver.

Hoc quando fiet?

Omnis caro quando resurget.