Decreta 221

diem vel sacra Templa, vel Amphitheatrum Flavium tectum prae- bebant, per noctem vero porticus et deserta Urbis fora. Interim dum corpus in servitutem redigebat, virtutum omnium exemplo erat fide- libus et ita animum per assiduam contemplationem ad Deum ten- debat, ut eius conversatio in coelis esset, ubi aeternam sibi mansio- nem praeparare satagebat. Hac vivendi ratione contemptibilis mundo factus et mundi sectatorum opprobriis saturatus cum Christo in Cruce confixo purissimum efflavit spiritum. Sed quemadmodum Deus Pater suscitans a mortuis Filium suum Dominum Nostrum Iesum Christum, et ad dexteram suam in coelestibus constituens eum exal- tavit, deditque signa et prodigia fieri in nomine eius, ita Beatum Benedictum Iosephum dextera sua divina super astra exaltatum pro- digiorum virtute inter homines gloriosum fecit. Quibus prodigiis a Sancta Sede Apostolica Sacrorum Rituum Congregationis ministerio in disquisitionem vocatis et confirmatis, postquam eadem de Virtu- tibus disquisitio absoluta fuisset, Altarium honores a Sanctissimo Domino Nostro Pio IX Pontifice Maximo Benedicto Iosepho decreti atque tributi fuerunt.

Vix autem in Basilica Vaticana, remoto velamine, Beati Bene- dicti Iosephi Labre imago Coelitum splendoribus circumdata appa- ruit, nova ac plurima portenta a Deo omnipotente patrata sunt, ut homines dignoscerent coelestis gloriae fastigium in Ecclesia trium- phanti hunc famulum suum adeptum fuisse; ideoque maiori honore in Ecclesia militante a mortalibus prosequendum in hac nostrorum praesertim temporum perversitate qua homines, coelestibus postha- bitis thesauris, qui oculis non videntur, fallaces saeculi huius divi- tias et voluptates veluti unicum sibi finem proponentes, ad eas com- parandas omnes exerunt vires. Ex iis portentis duo praeclariora selecta fuere Sacrorum Rituum Congregationis examini subiicienda. Primum itaque examine habitum est in Antepraeparatorio Conventu penes Reverendissimum Cardinalem Constantinum Patrizi Episco- pum Ostiensem et Veliternensem, Sacri Collegii Decanum, et Causae Relatorem Nono Kalendas Iunias Anni MDCCCLXX . Dein alterum agi- tatum est in Praeparatorio Coetu in Aedibus Vaticanis collecto Nono Kalendas Maias Anni MDCCCLXXII . Demum tertium institutum est in Generalibus Comitiis ad easdem Vaticanas Aedes coadunatis coram Sanctissimo Domino Nostro Pio IX Pontifice Maximo Deci- motertio Kalendas Decembris eiusdem elabentis Anni. Hisce in Comitiis cum Reverendissimus Cardinalis Constantinus Patrizi Causae Relator proposuisset dubium An et de quibus Miraculis constet in casu et ad effectum de quo agitur? quisque Reverendissimorum Cardi- nalium et Patrum Consultorum suam aperuit sententiam. Verum Beatissimus Pater omnia quae audierat serio perpendens, noluit illico suam pandere mentem, et adstantes monuit ut secum férvidas funde- rent preces ad impetrandum a divino Spiritu lumen et consilium.