TOLOSANA 221

absolutis nuptiis, neo-coniuges voluptuario itineri se commi- serunt, post mensis absentiam, Tolosam reversi sunt, uxor incidit in morbum, vir uxorem adversa valetudine affectam domi solam tota die relinquebat: uxor tum primum cogno- vit virum insanis alterius feminae amoribus irre tiri. Si versa vice vera renuntiavit Beatissimo Patri et ecclesiastico iu- dici, Carolus ipso nuptiarum die Mariam, adulterinis am- plexibus illectus, reliquit, et postridie eius diei Mariae rem omnem aperuit. Certum est itaque, ait defensor, Mariam aut ecclesiastico aut laico iudici fabulam venditasse. Credit ta- men potius eam veritati vim adhibere, dum sacratissimo Principi et iudici ecclesiastico cantiunculam recitat. Nemo enim mendax sine emolumento. Iam vero percommodum Mariae est supprimere voluptuarium nuptiarum iter, et as- serere Carolum ex abrupto prima matrimonii nocte ab se divertisse atque insequenti mane adulterinos amores pandi- disse. Igitur, advertit orator, si Maria factum adeo publi- cum, qualis est mensilis nuptiarum excursio, in actis so- lemnibus, in iudiciis modo comminiscet, modo pro lubitu supprimit, eidem fidem adiicere non debemus, dum facta narrat quae absque testibus et arbitris perficiuntur, dum affirmat Carolum, etsi omnigena amoris argumenta sibi exhibuerit usque ad matrimonii celebrationem, amorem in odium, ex- pleto nuptiali ritu, statim vertisse et coniuges per annum in uno eodemque lecto concubuisse quasi statuas marmóreas.

Facta huiusmodi, notat matrimonii vindex, inter mira- cula absque ambagibus recenset Coscius De separat, tor. lib. 3, cap. 2 num. 261 et seqq.: « Si uterque coniux af- firmet quod propter reciprocum odium et antipathiam copu- lam habere non potuerint, hoc opus, hic labor erit inve- niendi aliquem qui absque ulla amaritudine statim illis cre- dere possit hoc fecisse miraculum. Illud profecto (miraculum) facere nescierunt, qui invisum matrimonium per vim et metum cadentem in constantem virum propter antipathiam et odium, contrarietatem et aversionem, seu corporis defor- mitatem sine consensu nulliter contraxerunt, et tamen in oc-